「快靚旺」上仗初出即勝，當日廄侶連場配合出擊，擺明身負變倍器重任，所以今次練馬師王吼方嘉柏 (圖) 。

亨利拆局│練馬師王吼方嘉柏

更新時間：02:00 2025-04-13 HKT
發佈時間：02:00 2025-04-13 HKT

查近期沙田練馬師王賽果，由三月份計起開出的分數時高時低，早前呂健威和蔡約翰都試過50分登基，近期則有羅富全低至28分封王，並無特定攤路供馬迷摸索。

回說今次賽事，告東尼出馬十二匹最墟冚，另外伍鵬志九匹，以及蘇偉賢八匹，計籌碼三人都佔優勢。不過留意近期賽果，出馬多不代表就會勝出，講到尾始終要搏殺夠準，正如上周日游達榮封王，最終只靠四隻馬。今次我屬意撐方嘉柏，無疑佢沙田成績較谷草遜色，然而喜見「快靚旺」終於登場，查此駒上仗初出即勝，當日廄侶連場配合出擊，擺明身負變倍器重任，估計今日方仔應有備而來，祝佢過關成功。

重點爭分馬方面，「快靚旺」上仗提早收韁締佳速贏馬，今次升班減7磅，照計除笨有精。「漣心星」近期跑泥地屢拼無功，人人輕視之下，提防佢根本是草地馬！「信心星」演出極準，早前跑千八大敗是喘鳴所累，勿被劣績嚇怕。

目標：方嘉柏

賠率：15

全日惡馬第九場：快靚旺

練馬師王最佳投注時機：第三場前

↓立即下載星島頭條App↓