祖馬龍心水│「新力」食指大動
更新時間：18:41 2024-11-26
發佈時間：18:41 2024-11-26
發佈時間：18:41 2024-11-26
字體大小
祖馬龍入咗競駿會多個寒暑，期間一點一滴累積賽馬知識，成為今日嘅祖馬龍。回想疫情時候賽馬氣泡只容許出賽馬主一人入場觀賞比賽，祖馬龍首次一支公落沙圈支持「競駿翩翩」，當時沙圈及賽道冷清嘅情景，仍然歷歷在目。一條友喺馬主廂房孤獨食飯，當日嘅感覺喺祖馬龍腦海裏面湧現。人到中年總會有些嗜好，唔係音響喇叭，就係食煙飲酒。祖馬龍細味往事時候手揸一杯朋友相贈嘅「響12」，一邊懷緬過去，一邊刨今次谷草賽事。
谷草C+3欄係祖馬龍嘅開飯日子，最終刨到隻「新力」，雖則上場跟前令人失望，但又散唔晒。賽後復課火氣更猛，近來試閘順走又得，追馬又得，大膽判斷為進步表現，配番近期旺人鍾易禮，呢鋪食指大動。
第六場 5 新力 1 耀寶駒 6 飛黃
第七場 4 閃電 1 美麗緣分 7 運來伍寶
