Chok王心得｜兵力不均導致冷場

更新時間：17:43 2023-11-19 HKT
發佈時間：17:43 2023-11-19 HKT

以剛周日沙田賽事為例，第二場二班千八米出馬九匹，第四場二班千二米又係九匹，而三場重頭戲、國際賽前哨戰更加買少見少，三場出馬量加起來僅有廿一駒，平均每場七大件。再數埋上周三谷草夜馬，當晚第二場三班一千米賽事，只有八駒列陣。
馬季至此，經已跑了兩個月有多，大部分練馬師應該已有足夠「熱身」，派馬意慾漸濃，不會再擺出一副按兵不動的姿態。然而，近來相繼出現冷清場面，到底係馬房手法問題？抑或唔夠兵源？個人真的搞不清。
目前有廿一個馬房，話多不多，說少又不少，部分倉口養馬量多到滿瀉，但亦有三幾個馬房，手上唔算多子彈。某程度上，兵力分布有多少失衡。毫無疑問，高手受歡迎，支持者眾合情合理；相反下游馬房長期積弱也是常態。惟若因兵力分布不平均，導致場面凋零，有關方面豈容忽視。

洪禮賢

立即下載 | 全新《星島頭條》APP : https://bit.ly/3yLrgYZ