B女心水│「又龍串鳳」操足謀即食

更新時間：19:21 2023-09-19
發佈時間：19:21 2023-09-19

第四場五班一千米，我最鍾意「飛騰騅」。佢今場落班兼縮程，級數大佔優勢，上季在四班都可連番接近，實力不用懷疑。留意上仗早段步速好快，佢沿途望空走二疊，形勢不算理想，而且直路所見，鞍上人只打了幾鞭便收工，不妨視作試閘性質。今場改配陳嘉熙獲減五磅，排二檔亦非常理想，出閘後只要守住有利位置，大有機會收復前失。配腳我揀「創福威」同「怪獸豪俠」。

第六場三班一哩。「又龍串鳳」今場落班跑，賽前備戰工夫做到加零一，似乎有心一出即拼。此駒上季大部分時間都獲得獎金，證明性賦忠心準繩，早前試閘走勢輕鬆，末段後追頗為吸引，狀態已在勇境，只要發揮出正常水準，今場應可坐位望贏。配腳我揀「自力更生」同「久久為攻」。

第四場 1 飛騰騅 9 創福威 11 怪獸豪俠

第六場 1 又龍串鳳 2 自力更生 7 久久為攻

立即下載 | 全新《星島頭條》APP : https://bit.ly/3yLrgYZ