B女靚馬——顏色大皇一出即拼
更新時間:00:00 2023-03-26
發佈時間:00:00 2023-03-26
第七場三班千二米,我就揀「顏色大皇」做重心。佢幾次試閘都表現好好,尤其最近三都一放到尾,走勢一氣呵成,贏來姿態非常輕鬆,擺明質素上乘,所以今場即使初出,我都唔太擔心,而且排檔好又夠輕磅,大有機會一出即勝。配腳我揀「你知我拼」同「駟跑得」。

第十場三班千四米,我就鍾意「實力派」。佢今季四戰未甩獎金,前仗更在谷草贏馬而回,近況弗到漏。雖然上仗只得季軍,不過直路見鞍上人逐漸畀力,望空後大步追上,最終得到季軍,表現繼續保持水準。今季轉戰田草,翻查佢上季跑千四曾上名,今場只要早少少落鞭,應可趕得及追上贏馬。配腳我揀「銀進」同「陽明天空」。
B女