福國寶大有進展
發佈時間：03:00 2023-03-24
一如過往的周四晨課，昨朝出跳的周日參戰馬相當之多，場面十分熱鬧。現將所見報道如下：
「滿歡笑」布文草地跳兩段，落腳愈見輕爽又夠利落，馬身已好靚毛色光閃閃，外觀夠晒吸引。
「晴王」助手草地跳兩段，灑開大步衝刺渾身是勁，目光銳利充滿氣勢，狀態大勇。
「福國寶」戴頭罩由助手草閘跳兩段，唔再亂用力，馬頭唔再岳得高，熱身一仗之後，表現大有進展。
「開心寶貝」拍「新威煌」跳兩段，同樣戴頭罩及助手試，前駒步伐穩健流暢有力，神態活躍，充滿朝氣，後駒試來一貫有點懶，但大馬幾輕身觀感唔差。
「菲力大帝」助手跳兩段，試得慢依然無搶口，表現規矩，情緒在不斷轉好中。
「新境界」戴頭罩由潘明輝跳兩段，試來從容不逼，走過好輕身，精神爽利予人好感。
「越駿歡欣」戴頭罩由助手跳兩段，鞍住順走神生步爽，毛色比前更靚，狀態弗到漏油。
「特別美麗」戴頭罩由助手跳兩段，按住走暗火湧現，身色都靚，表現極之省鏡。
川河虎駒收身好靚
「川河虎駒」戴頭罩由助手跳兩段，收身好靚呈現綫條美，落腳也愈見熟練順暢。
「興高采烈」戴頭罩由助手跳兩段，唔再急口擰頭擰髻，馬身收得結實毛色靚，長在作戰水準。
「四季醒」戴頭罩由助手跳兩段，聚精會神快慢由人，馬身收得更靚，進度一日千里。
「美麗新星」戴頭罩由助手跳兩段，連番轉腳乃指定動作，馬身收得靚毛色油潤，狀態非差。
「巴閉哥」戴頭罩由希威森跳兩段，試來夠晒淡定表現好，回程時相當乖巧。
天天得樂狀態見好
「天天得樂」戴頭罩由副練跳兩段，步伐穩健力度唔錯，馬身收得壯，狀態長期見好。
「陽明天空」戴頭罩由何澤堯跳兩段，神閒氣定饒具朝氣，毛色油潤狀態持續見好。
「營造組裝」戴頭罩由蔡明紹跳兩段，放鬆得緊要正頭唔想走，然而落場表現忠心準繩。
「俠客行」戴頭罩由助手跳兩段，落腳輕巧毛色愈見潤澤，唯一不足係要岳高頭走。
「星洲駿馬」戴眼罩由助手跳兩段，步穩有力馬身壯健，唞夠下更多添新鮮感。
