美斯缺陣︱曾俊華自爆有份叫回水 無奈見盛事變壞事:「點解好似近年屢見不鮮呢?」
更新時間:12:25 2024-02-11
發佈時間:12:25 2024-02-11

上周國際邁亞密在港表演賽期間,球王美斯全程沒有上陣,引起球迷不滿,主辦單位最終退回一半門票費用。前財政司司長曾俊華當日亦有入場,與好友、前特首曾蔭權一起看球賽,他今日(11日)在社交網坦承,當日亦是大叫「回水」的其中一員,對美斯沒上場感到非常失望,但同時提醒這類糾紛如動輒演變成政治事件,對香港的國際聲譽有害無益。

指主辦方「回水」一半難補球迷遺憾

曾俊華指:「難得美斯再嚟香港,況且呢次可能係我最後一次,可以親眼睇佢喺球場上演出,所以一早就已經安排好。講真,我覺得啲飛嘅價錢真係相當貴,但係咁難得有呢個機會,同其他香港朋友,一齊參與呢場盛事,我就覺得好幸運。」觀眾亦早就開始大叫「Messi! Messi!」然而到下半場後備球員熱身,仍未見美斯起來,大家開始覺得不妥。「到完場前十分鐘,美斯仲係著住件外套,同我哋一齊睇波,大家終於頂唔順,大叫『回水!』,包括我在內!」他坦言賽前完全沒想過,美斯既不上場,也一言不發,所以他同在場絕大部分美斯擁躉一樣,覺得非常失望。

曾俊華提到:「最後主辦單位決定退番一半票價畀大家,我諗至少會令失望嘅球迷冇咁谷氣,但冇得睇美斯落場獻技嘅遺憾,就無法彌補啦。」他指:「本來係大家非常支持同喜歡嘅盛事,最後喺噓聲下收場,仲要演變成國際事件,好事變壞事,點解好似近年屢見不鮮呢?不過,如果郁下就將事件提升至政治層面,咁就無可避免,一定會影響到香港喺國際間嘅名聲啦,呢方面我哋係要留意嘅。」

他憶述今次美斯港,應是繼沙士後皇馬來港踢表演賽後,最受港人歡迎的盛事。「2003年我都有入場睇皇馬,哨牙仔、卡路士,施丹、費高、碧咸同魯爾呢個『6條A』可一不可再嘅陣容,睇過嘅朋友都會覺得今生無憾。」

曾俊華指,在現埸看任何體育賽事都會令人熱血沸騰,像他以前住美國波士頓期間,不時會入場看NBA球隊塞爾特人的球賽,「籃球場相對較細,所以現場氣氛好勁,作為觀眾,我哋更加可以清楚睇到球員比賽嗰時嘅情況,幾乎佢哋流幾多滴汗,都睇得一清二楚。」不過他坦言入場觀賽門票很貴,「嗰時我成日都講笑,話每一次睇一晚波,就差唔多要再抵押自己間屋,雖然比賽係好刺激,好好睇,但係就唔能夠成為習慣,唔係就會好傷荷包嘅。」

 ▼美斯稱傷缺陣香港表演賽▼

 ▼美斯上陣神戶勝利船表演賽▼

--

《星島申訴王》推出全新項目「區區有申訴」,並增設「我要讚佢」欄目,現誠邀市民投稿讚揚身邊好人好事,共建更有愛社區。立即「我要讚佢」︰ https://bit.ly/3uJ3yyF

《星島頭條》APP經已推出最新版本,請立即更新,瀏覽更精彩內容:https://bit.ly/3yLrgYZ