KellyChu - 《頭條日報》周六《起筷》首刊墟冚銅鑼灣派軟雪糕與民同樂 | Executive日記

更新時間：02:00 2026-10-20 HKT
發佈時間：02:00 2026-10-20 HKT

《頭條日報》Saturday全新飲食和生活特刊《起筷》，喺剛過去嘅星期六（10月17日）首次發行，與全港讀者會面。《起筷》報道城中美食、人氣餐廳，版面設計精美又易讀，兼且用上靚靚書紙印刷，絕對係一份質感滿滿嘅全新飲食讀物。配合報網合一策略，每期封面故事及部分精彩內容亦會喺Headlife平台上架，與廣大網友分享好滋味，號召大家齊齊起筷！

　　為咗慶祝《起筷》面世，《頭條日報》上星期六喺銅鑼灣大派免費雪糕，與市民分享喜悅。當日活動吸引好多人排隊，場面非常熱鬧。雖然天氣仍有些熱，長長人龍都盼望食最經典嘅軟雪糕，享受消暑快樂。現場市民紛紛讚《起筷》製作精美，見到食物相就肚餓。連派報姐姐都話《起筷》資訊豐富，市民見到即開心取閱。

　　難得咁高興，《頭條日報》當日請埋由唱跳節目《魔音女團》傾力打造嘅全新女團MYNT四位成員－－宋宛穎（Sabrina）、莊子璇（Hilary）、喬美莎（Chelsea）及盧映彤（Skylar）親臨應援，同市民及粉絲近距離互動，活動吸引過百人圍觀，現場氣氛超高漲。四位美少女不但分享佢哋嘅美食經驗和最愛食物，更有求必應地和現場粉絲合照，非常親民！

　　此外，造型吸睛嘅「超大《起筷》人」同日遊走銅鑼灣熱門地標，只要現場捕捉到佢並打卡，即可免費獲贈限定版「《起筷》X港式美食貼紙」乙套，吸引大家紛紛參與。

　　《起筷》希望透過分享香港美食故事提振本地飲食業，同時帶旺其他行業。首次發行日好開心獲得餐飲集團The Food Story支持，於旗下5間餐廳向食客派出這份全新飲食和生活特刊，邀請大家一齊起筷！

　　想重溫第一期《起筷》精彩內容嘅讀者，歡迎瀏覽頭條日報揭頁版網站或使用頭條揭頁版App細味。

KellyChu