KellyChu - 迪士尼Halloween Time惡人回歸反轉大街 | Executive日記

更新時間：02:00 2026-09-18 HKT
發佈時間：02:00 2026-09-18 HKT

一年一度嘅萬聖節就快到，喺遠離麈囂嘅島嶼上，正醞釀着一場風雲色變嘅萬聖派對。香港迪士尼樂園度假區由即日開始至11月1日舉行「Disney Halloween Time」，帶來一場由惡人主導，融入互動、主題商品、美食嘅惡人狂歡派對！

　　樂園各處早已瀰漫住怪誕嘅萬聖節氣氛。由樂園入口嘅巨型米奇南瓜頭、美國小鎮大街上嘅神秘惡人身影，再到坐落於城堡廣場中央、氣勢磅礴嘅黑魔后魔龍裝置，處處都係拍攝萬聖主題合照嘅特色背景，為全新演出、經典人氣體驗，及同迪士尼惡人和迪士尼朋友嘅詭趣互動率先暖場。

　　「惡人反轉大街派對」今年盛大回歸，黑魔后再度聯同灰姑娘後母及兩位女兒等惡人及其手下，喺全新惡人派對舞曲配襯之下現身美國小鎮大街，組成盛大隊伍同大家見面，讓所有人感受一眾惡人嘅派對節奏，一齊惡翻全場。

　　全新音樂慶典「米奇與好友萬聖奇遇」於奇妙夢想城堡前隆重登場，隨着全新原創歌曲《Halloween is Here》響起，米奇、米妮唐老鴨與黛絲展開一場穿梭於魔南瓜田嘅奇妙歷險，一同尋找最精彩嘅萬聖魔法。

　　「南瓜王」阿Jack嘅怪誕大餐載譽重臨河景餐廳，帶來一系列以怪誕城新「瘋」味為靈感嘅邪惡美食，包括吸血巫湯、棺材造型嘅甜品。賓客仲可以親手特調期間限定迎賓飲品——莎莉甜心魔法特飲，學習怪誕城嘅禮儀，並同阿Jack、莎莉及Oogie Boogie近距離互動。

　　除咗一班惡人沉醉嘅派對之外，人氣米奇、米妮與好友們亦紛紛換上鬼馬萬聖裝扮，喺幻想世界嘅夢想花園等住扮鬼扮馬嘅你來同框合影，實現與米奇與好友玩轉萬聖嘅想像。此外，迪士尼獨家推出萬聖節主題飾物及商品，讓大家一同投入一年一度嘅盛會之中。

KellyChu