拉四方買餸車上巴士命令讓位 大牌惡客:我有車你坐入面 港女「這招神反擊」專治老奉|Juicy叮
發佈時間:13:00 2026-11-20 HKT
大牌惡客拉著四方膠箱買餸車上巴士,非但沒有好聲好氣,反而當眾大聲命令旁人讓座。有女乘客坐在巴士外側座位,面對這句蠻橫無理的「我有車,你坐入面」,使出「神反擊」一招治老奉,贏得全網拍手叫好。詳情見下圖及下文:
拉四方買餸車上巴士命令讓位 大牌惡客:我有車你坐入面 港女「這招神反擊」專治老奉逐張睇↓↓↓↓
大牌惡客:我有車,你坐入面
樓主昨天(19日)在社交平台Threads發文,還原在巴士上遇到惡客老奉要讓出座位的無禮經過:
「有啲人冇禮貌,拉住架四方箱買餸車上巴士,我坐外面個位,佢走嚟我隔離話,你坐入去,我當然聽唔到,佢再大聲講,我有車,你坐入面。」
面對對方的惡劣語氣與命令式態度,樓主既不對罵也不妥協,而是用最淡定的姿態實行優雅反擊:「我只好乖乖的望住佢,之後原封不動。🙄🤣」
網民:衰在冇禮貌 睬佢都傻
貼文曝光後,網民高呼治得好,大讚「做得對!」、「做得非常好👍🏽」、「Well done(做得好)」及「你咁正得唔得㗎」。
面對這些拖「四方果」上巴士的乘客,網民一致直指,讓位與否的核心在於基本禮貌,留言質疑「句唔該同請問可唔可以去咗邊?」,並直言「衰在佢冇禮貌,所以....」,強調對付這種人「無禮貌一概睬佢都傻!當聽唔到睇唔到!」。
還有網民嘆道,現在坐車遇到愈來愈多奉旨命令人的乘客,直言「依家坐小巴真係好多呢啲 This is an order!(這是一個命令!)」。
有網民則幽默地為樓主獻計神回,笑指「你有車就唔好搭巴士啦,請個司機幫你揸吖嘛」、「你應該答佢,我都有,坐緊!」,並強調只要態度客氣,大家其實很樂意幫忙配合,表示「如果你係嗰個拉住架車仔嘅人,我會唔使你出聲都自己坐入去」。
網民見到四方箱即避
此外,不少網民坦言這種巨型四方箱在狹窄車廂中具一定殺傷力,見到要避之則吉:「我好怕呢啲四方箱,尤其是巨型嗰隻,朋友試過畀佢撞低。兩隻腳都有瘀傷,見到要避開😏」
資料來源:wc8250@Threads
相關閱讀:
瘋傳將軍澳小巴禁「四方型買餸車」 乘客司機僵持爭拗 禁令疑涉1原因
長者生活智慧 10個買餸7個「拉車仔」 網民拆解現象 背後一原因最心酸

















