唔上進至係最醒目? 加幾千蚊晉身「夾心層」慘況多 打工仔看透職場拒絕「有毒升職」|Juicy叮
發佈時間:10:51 2026-11-20 HKT
唔上進才是最醒目?加數千元人工晉身「夾心層」,往往需要面對不少難題,有打工仔看透職場,表明拒絕「有毒升職」。
詳情見下圖及下文:
唔上進至係最醒目? 加幾千蚊晉身「夾心層」慘況多 打工仔看透職場拒絕「有毒升職」逐張睇↓↓↓↓
樓主明白前輩拒絕升職智慧
樓主昨天(19日)在社交平台 Threads坦言,年輕時聽到前輩有得升職卻拒絕,覺得匪夷所思,那時認為「有能力梗係賺多幾皮啦!」。直到自己出來工作一段時間,看清了職場的真實慘況,才明白前輩的智慧:
「每日見到做夾心管理層嘅上司點湊離地嘅老細,見到佢哋食好多唔應該食嘅💩,見到有人犧牲家庭畀一個冇咗佢其實地球照樣轉嘅辦公室,最大問題係頂唔順個制度,呢個好難改變。」
樓主直言,多拿三、四成薪水,卻要做兩人份工兼食幾倍死貓,這種委屈辛勞實在不值得;並表示自己並非那麼享受權力,如果要升職,第一為了錢、第二為了想真正做好件事,但明言:「如果要犧牲 Mental Health(精神健康),暫時我呢個修煉程度未夠班。」
每天返工放工,樓主都直呼「成日好想 Quit(辭職),去做自己想做嘅事,一啲屋企人一般人覺得『不顧後果』嘅傻嘢,或者就咁抖返幾個月。」無奈現實有家庭重擔,唯有繼續「勞勞碌碌,營營役役。」
網民:升職是騙局 轉工更實際
貼文曝光後,大批打工仔圍爐留言「畀我都唔升」、「時代唔同,今時唔同往日」。有網民直指現在多數升職加得那少少,卻要做兩人份工作,與其升職,不如直接跳槽:
「依家多數升職加得嗰少少,仲要做兩人份工作,啲人直接去佢公司死對頭搵工都仲得。喔,簽咗 Contract(合約)唔畀去死對頭,咪去死對頭間外判。」
不過,也有網民大爆自己經理的工作非常輕鬆:「我前經理就好好做,每個月抽成5個鐘開內部會,佢工作只係聽同負責 Q 佢想炒嘅人,其他工作交畀下面細嘅。」
20年過路人現身:不升職被解讀為唔上進
不當經理,在傳統觀念中往往會承受巨大壓力。一位有20年工作經驗的網民,便現身分享自己當年拒絕升做 Assistant Manager(助理經理)的經歷:
「我記得人生第二份工嘅時候我被 Recommend(推薦)升做 Assistant Manager,但我係斷言拒絕,因為要對住那一班女性上司好麻煩。之後我就知道自己唔鍾意做呢啲 Manager(經理)位,直到而家做咗20年嘢都未升過 Manager。」
轉工時他也曾被面試官問過,為何做了這麼多年都未升到 Manager 位。他無奈指出,在現代社會,打工仔做最真實的自己往往要承受外界眼光:「唔想做就唔做啦㗎啦,就會畀其他人解讀為唔上進。」
網民:拒絕有毒升職 守住心理邊界
對於樓主面對的無力感,有網民留下溫柔安慰,勸勉其學會劃清心理邊界:
「背負住屋企人嘅生計確實好難講辭就辭,嗰份被困住嘅無力感好真實。不過換個角度諗,你識得拒絕有毒嘅升職,已經幫自己擋走咗一半嘅痛苦。」
網民建議在限制裏面尋找自在,「最重要是守住自己嘅心理邊界,放工就徹底抽離公司,留返啲能量畀自己喘息同探索新出路。」
資料來源:psy.cholearner@Threads
相關閱讀:
曾智華都轉發!公司通告讚女秘書「一絲不掛」獲升職?網民:水洗唔清 瘋估疑是這類公司
人工越加越窮? 月入兩萬安全感勝四萬五 薪水翻倍存款仍維持4位數 理財顧問爆打工仔極端常態

















