「遇過最有錢的香港人」成熱話!揭秘本港隱形富豪:10分鐘豪使120萬買鑽戒、住複式揸波子去公屋做看更?|Juicy叮
發佈時間:08:02 2026-11-16 HKT
有網民發起討論「你識過最有錢嘅香港人係點?」,在短短一星期內便引爆網絡熱話,創下高達90萬次瀏覽量,吸引近900個留言,大批來自各行各業的網民紛紛分享自己親身接觸過的「天花板級」富豪事跡,由一擲千金的豪氣消費、離奇的打發時間方式,到貼地又溫暖的發財立品故事,揭開了本港一些隱形富豪鮮為人知的一面。
買百萬名物當食生菜 「成個浴缸都係橙色盒」
在眾多留言中,最令普通打工仔感到震撼的,莫過於富豪們對金錢的「無感」與驚人消費力,有曾任職珠寶銷售員的網民憶述,當年遇過一位衣著精緻、懂得講英法雙語、氣質有如林志玲的斯文少婦,對方經過櫥窗見到一隻正價120多萬的彩鑽花型戒指便即刻試戴,「戴咗唔夠3分鐘,攞咗張AE細頭黑色金屬卡叫俾錢」,當經理主動齊頭收她120萬時,「佢都冇反應,簽得好快超級開心」。更令人深刻的是,當日下著雨,經理主動提出送傘,少婦卻笑言司機已在停車場等候,「離開嘅時候,帶住隻戒指同跳下跳下(開心)。由佢試戴,到佢離開唔夠10分鐘」。
這種「買貴嘢唔睇價錢」的場面,在名店與豪宅圈子更是屢見不鮮,有網民分享曾見過有富豪將千萬級別的豪宅當作普通倉庫,有人「成個浴缸都係靴密屎(Hermès)定期比佢既靴密屎,一偏橙色的隙位中隱約見到白色浴缸苟且求存」;亦有人見過富豪家中「買到成屋都係特別版Birkin,唔係平時十幾廿萬嗰啲,個個都係一兩三百萬炒款,不過亂咁周圍掉,間屋亂葬崗咁」。當有網民眉飛色舞地向富豪朋友提起蘇富比剛以110萬拍出一套威士忌時,對方竟「好從容打開個櫃話俾我聽佢有4套,仲問我想唔想試。嗰一刻,我覺得我係NPC」。
至於買樓置業,對這群頂層富豪而言更是有如「去街市買棵菜」,有網民指在千禧年代見過有人「路過有樓盤睇就入去睇下(Walk in),買左一圈(成層12個單位)」;更誇張的是有富豪物業多到連自己都忘記。
有物業管理處職員表示,曾因某個價值超過5,000萬的豪宅單位欠交水費面臨拆水錶而致電業主,豈料對方第一句竟反問:「我喺XXX有個單位咩?」經查證後才施施然叫秘書處理。
有網民亦分享認識一名醫生,「因為份人super nerd所以對錢冇乜感受,買左好多層樓,多到自己都唔記得咗有咩樓」,甚至試過單位被爆竊,警方致電要求落口供時,他還以為警察找錯人,後來才發現自己真的買過該單位。
有錢人的快樂你想像不到:揸波子轉巴士返公屋做看更
除了豪擲千金,富豪們「體驗生活」與打發時間的方式,亦令一眾網民大開眼界,有網民分享認識一名住在複式獨立屋的退休叔叔,「買咗一個車位喺太和附近,跟住日日揸架波子拍喺嗰個車位,然後搭一個站巴士,去太和某個公屋停車場做看更,因為要打發時間」,引來網民搞笑感嘆「原來失業率高係因為呢啲有錢人」。
類似的「體驗生活」故事還有不少,有網民指公司曾聘請一名兼職青年,上班頭幾天已戴著勞力士,閒談間才得知「屋企好多所以是但攞一隻帶返工」,加班時更要先致電在樓下等候的司機;後來青年更透露「佢爸爸最近好悶所以搵咗份part-time,我哋問咩part-time啊?佢話營運總監」。
另一名網民則憶述廿多年前在辦公室附近的麥當勞結識了一名外貌標緻的公關,兩人熟絡後相約食宵夜,才發現對方家住半山獨立屋,連已故爺爺嫲嫲也是住在九龍塘獨立屋。某次午飯時間陪她去LV購物,店員不但斟茶遞水,她看中一個新款手袋後,「跟住同一個款,唔同色,好似除咗其中一隻色之外,其他要晒,然後俾咗張卡佢碌完就走,話司機轉頭嚟攞」。當被問到為何要在快餐店穿運動衫褲扎馬尾上班時,她的答案僅僅是:「爸爸要佢體驗吓生活。」
真富豪往往最深藏不露 踢拖揹紅白藍袋拎出「AE黑卡」
綜合大量留言,網民發現一個定律:真正身家億億聲的香港富豪,外表往往極度低調,甚至與街坊無異。有網民曾在中環一間電訊店任職,他分享道,某晚臨收工前十分鐘,一位身穿「阿婆碎花裙、涼鞋、紅白藍袋」的嬸嬸走入店內表示要上台出機,店員耐心解答後,嬸嬸在號碼紙上連圈十個電話號碼,正當店員以為她要慢慢挑選時,「原來佢10個都要晒,個陣最貴個plan好似係$638一個月,佢話10個要晒,再加10部iphone」,最後更直接從紅白藍袋中拿出一張頂級AE黑卡結帳,令店員驚嘆人不可貌相。
同樣的「反差感」亦出現在各大銀行與日常社區,有曾在銀行任職櫃員的網民憶述,30年前有一位街市裝扮的熟客走到窗口說「幫我入三佰」,他便順手寫下300元入數紙,豈料對方「伸個頭貼住個窗口大聲講3佰萬」,經理聞訊即衝出來幫忙拿著裝滿現金的紅色背心袋入房數錢,事後才知對方是銀行最大客戶,單是定期存款已有幾千萬在食息。
此外,亦有不少身家豐厚的隱形富豪「出沒時成日都係着阿伯底衫短褲(件衫仲要係穿窿嘅),日日帶三文治返工,個密實袋仲會洗乾淨重用」,但其實在世界各地的主要遊艇碼頭都泊有巨型私人遊艇;也有富豪「住半山,會去春秧街買餸,公屋師奶look,直頭聯想唔到身家億億聲」。
發財立品最令人敬佩 送下屬兩年人工賀禮、免租借出跑馬地豪宅
不過,整篇帖文中最觸動人心的,並非單純的炫富或奇聞,而是富豪們「發財立品」、極具教養與同理心的真實故事。有曾負責幫某香港老牌上市公司主席處理機票酒店的網民表示,該名企業二代極有禮貌,「永遠唔該前唔該後」,平時只透過秘書溝通,正常連她的名字都不會知道。
某次主席在意大利包車出事錯過航班,情急下直接聯絡她,她在長途電話中緊張萬分,但主席「反而安慰我,教我可以點處理,其實最終可以講係佢自己搞掂,只係通知我執頭執尾」。事隔兩三年後,該網民請大假結婚並例行電郵通知秘書,沒想到幾小時後大秘書突然致電表示老闆想送小禮物,「最終佢啲『小禮物』嘅價值大概係...加多幾萬就=我兩年人工」,令一眾網民高呼「呢啲先係富豪,身心都富」。
另一段溫暖人心的故事,來自一名白手興家、世界頂尖大學畢業的年輕老闆,當他得知公司一名平時沒有直接匯報關係的低層員工,其父母居住的單位發生慘劇後,「即刻offer佢父母免費住佢跑馬地嗰個租客啱啱交吉咗嘅單位,8xx尺,佢收返唔放租」,更在當晚「本人親自買晒一切生活用品親自送上去,2年內免租,以我所知佢單位大概$6萬幾一個月」。
有網民亦懷念一名已故的相識隱形富豪,指對方經營環保生意毫無架子,某年網民生日,該富豪帶她到尖沙咀LV讓她挑禮物,當時網民自覺高攀不起兼遭店員冷眼,富豪即主動向相熟店員表示:「呢個係我好朋友陳小姐,佢今日生日,麻煩你幫我招呼佢,張單俾我。」這個充滿體貼與尊重的舉動,令事主至今近二十年仍妥善保存著該手袋與單據,作為對故人的懷念。
港式幽默洗版 「凍飲加3蚊唔使諗」成另類富豪指標
在見識過各種天文數字的財富後,一眾香港網民亦發揮本色,在留言區展開連番自嘲與港式幽默,有人搬出經典電影《門徒》的台詞「去餐廳食魚子醬,經理話用磅計價錢,佢叫攞走個磅,一人一罐」。
與此同時,大批網民更重新定義了屬於平民百姓的「富豪標準」:有網民認為「去麥當勞永遠叫大薯條唔睇價錢」、「茶餐廳食飯凍飲加$3毫不猶豫」、「食乳酪唔會奶埋個蓋」、「分紙巾成張被我,仲要係Tempo」,甚至「出街唔帶水,直接買營養快線」,在物價高企的今日,這些毫不猶豫的日常微細消費,已足夠讓大家笑言「多謝您呢個留言令我成為有錢嘅一員」。
部分網民的留言更折射出港人對「富貴與教養」的真正價值觀:「有錢唔係最緊要,個心好,有禮貌,唔會踩低人嚟抬高自己,呢啲先係真係有錢。」
來源:Threads
延伸閱讀:港人「極簡躺平法」成千萬富翁?4大公式直戳痛點 做齊者現身揭戶口數字惹崩潰

















