月入3.5萬港男豪娶嬌妻 擺酒到蜜月一路碌卡 風光背後慘孭40萬巨債 數冚數兩年驚揭悽慘現狀｜Juicy叮
發佈時間：16:00 2026-11-15 HKT
一名月入3.5萬元的32歲港男豪娶嬌妻，為求完美由擺酒到蜜月全程一路碌卡。豈料風光背後慘孭40萬元巨債，被迫以數冚數度日，苦撐兩年後終爆煲，悽慘現狀引發熱議。詳情見下圖及下文：
月入3.5萬港男豪娶嬌妻 擺酒到蜜月一路碌卡 風光背後慘孭40萬巨債 數冚數兩年驚揭悽慘現狀逐張睇↓↓↓↓
追求完美一世人一次
樓主早前在 Threads發帖分享案例，指一名32歲港男「月入3.5萬，兩年前結婚想畀老婆最好嘅婚禮，由擺酒到度蜜月全部一路碌卡。」
樓主引述，事主當時抱著「一世人一次，自己供得起，唔想留下遺憾」的心態，任何細節與蜜月旅程皆「揀晒最好」，最終欠下「40幾萬卡數」。
對於收完人情仍要蝕巨款，網民大惑不解追問：「收完人情都仲差40幾萬卡數？」、「你唔收人情咩？應該唔會輸咁多」。
樓主回應：「仲有度蜜月，結婚零零碎碎其實夾埋都好多，一世人一次揀晒最好，所以真係要量力而為。」
每月還Min Pay數冚數
背負巨債兩年，樓主坦言，事主扣除基本生活開支後，每個月還完 Min Pay（最低還款額），薪金基本上已「所剩無幾」。他被迫採取「數冚數」的惡性循環苦撐。直到最近，債務泡沫終於爆裂，宣告「供唔住」。樓主痛心警世：「量力而為，好過爆煲先嚟後悔。」
網民留言兩極 狠批充大頭鬼 vs 大讚好老公
網民在留言區掀起激辯。有人毫不留情直斥：「同充大頭鬼嘅男人結婚 慘過食屎」、「月入3萬半養自己都掹掹緊吧？仲夠膽去結婚？不過夠膽嫁個位都厲害！」。面對冷嘲，樓主一再提醒：「最緊要量力而為」。
不過，亦有網民同情事主：「調轉諗，個男仔都真係好錫老婆想畀最好嘅佢，不過真係要量力而為。」、「40萬買個回憶值得嘅。」 有人提出務實建議：「結婚可平可貴 最緊要兩個人一齊 冇錢就簡單食餐咪算囉。」 樓主深表認同回覆：「啱㗎，畀『一世人一次』限住咗……」
資料來源：debt.ceoy＠Threads
相關閱讀：
結婚擺酒掀禮金爭奪戰 女家人情女家袋？ 男家算死草企圖獨吞 網民搬出家規列公平分莊準則
婚前一餐飯即成「一世宿敵」 未來奶奶亂講嘢嫌親家屋企 孝順女心痛父親受辱 網民加碼爆更多野蠻奶奶極品故事
