移英5年越住越摺 網民數臭4大「隱性歧視」 光速變臉最感心寒 港媽為下一代啞忍不回流｜Juicy叮
發佈時間：10:41 2026-11-14 HKT
移民英國5年，換來卻是日積月累的「隱性歧視」？有移英港媽在網上大吐苦水，指當地人一見非白人即目無表情。但為下一代她唯有啞忍不回流，感嘆生活「越耐越見真章」。大批同路人對此滿有共鳴，數臭在當地遭遇的「光速變臉」日常。詳情見下圖及下文：
移英5年越住越摺 網民數臭4大「隱性歧視」 「光速變臉」最感心寒 港媽為下一代啞忍不回流逐張睇↓↓↓↓
樓主親歷：視而不見與櫃位故意跳過
樓主今天（14日）在社交平台 Threads發帖，坦言在英國5年「越來越摺」，不想與當地人接觸，直指「喺英國點會冇歧視？越留得耐越 Feel（感覺）到個隱性歧視。一見到你就目無表情、扮見你唔到，只因為你唔係白人。」這正是她極力控訴的第一大「隱性歧視」：視而不見當非白人透明。
她還批評當地落後、做事得過且過，雖然明白有人為何回流，但「望住個細嘅知道此路不通」，唯有寄望兒子長大後能去其他地方。
日常生活處處受氣，樓主在回應欄自爆在連鎖折扣百貨店多次遇到店員刻意忽略，這正是第二大「隱性歧視」：收銀櫃位故意跳過亞洲人。她無奈指出「有時個 Staff（職員）見下一個係亞洲人佢專登唔叫你過去，等你去另一個 Counter（櫃位）先 Serve（招待）下一個白人。呢啲咁隱性嘅真係啞子吃黃蓮。觀察力少啲都 Feel 唔到。」
面對無緣無故的冷待，樓主坦言「唔勉強喇，但有時受到了無緣無故嘅歧視會覺得有啲唔開心啫。我個心態係你唔理我咁我都唔理你，就係咁簡單。」
有同路人隨即留言圍爐表示「Same feeling（相同感受），Feel到啲歧視真係好破壞心情」，樓主慨嘆回覆「係，明明自己冇做錯。不過可以點，唯有叫自己話之佢哋。」有網民則勉勵「理得佢，自己生活愉快最緊要」，樓主亦自勉「冇錯！自己心情最緊要💪🏻」。
網民補充：空少光速變臉與超市職員雙標
帖文曝光後，網民亦現身爆料。有居英 20 年的網民分享搭廉航的受氣經歷，控訴第三大「隱性歧視」：服務行業「光速變臉」迎送。
該網民透露「我今日搭飛機同空少講 Hello（你好），佢目無表情，然後勉強笑一笑；兩秒後大聲同後面講 Good Morning（早安），Welcome On Board（歡迎登機）。當然後面嗰個係白人。」
網民無奈指「歧視唔係一朝一夕就見到，而係日積月累經歷到，越久越見人心；奈何好多香港人當時覺得唔會嘅，有料有米又融合當地就得啦，唔好太玻璃心」，對此樓主深表認同回覆「係，日積月累先見真章，總有人持相反意見，經歷唔同冇辦法。」
另有網民大爆在大型超市的經歷，指出第四大「隱性歧視」：超市職員黑面雙重標準。網民直言在 Self Service Counters（自助結賬櫃位）時「我發現佢哋對本地白人態度友善，會打招呼同微笑，但對我係木口木面。」
對於交友與融入問題，有網民坦言「都唔關流利英文事，其實唔使開口，望我哋個樣佢哋都唔想招呼我哋」；另一網民則表示「好明白，就算唔係歧視，但永遠唔會當你自己人，好難識到朋友」，樓主隨即無奈回覆「放棄咗，對我客客氣氣我已經心滿意足😭」。
4大「隱性歧視」總結
•視而不見：一見非白人走近，眼光瞬間失焦、表情放空，當你是透明空氣。
•櫃位跳過：收銀員明明看見你排第一，卻專登扮盲不叫你，只為隔空召喚你身後的白人。
•光速變臉：對你打招呼時黑面敷衍、皮笑肉不笑，下一秒對著白人卻自動開啟燦爛大笑。
•超市雙標：自助結賬區職員對白人主動微笑、暖心問候，看到亞洲人就木口木面。
留學生分享正面破冰經歷
不過，並非所有港人在英國皆遭遇冷待。一名在英國留學第4年的網民則分享了截然不同的正面經歷。
他坦言自己一開始英文普通，隻身赴英且完全沒有朋友。但透過積極參與 Gym（健身）、返學、打拳、返工及做義工等不同活動，很快便結識到很多當地朋友。
他分析指「可能因為我都比較外向，會成日同人打招呼，所以而家每次出街都一定會撞到 Friend（朋友）Say Hi（打招呼）😂 而呢種體驗，反而喺香港比較少。」
他鼓勵樓主與其他港人，平時可以大膽少少嘗試多些 Small Talk（閒聊），「例如買嘢嗰陣 Nice（友善）啲講多句 You alright mate? Have a good day！（朋友，你還好嗎？祝你有美好的一天！），自然就會吸引多啲正面嘅 Interaction（互動）。」
資料來源：aimee_ee9＠Threads
相關閱讀：
移英5年 活著很累 中產收入變月薪不足2萬元 港人後悔：回頭已是百年身
移英雙職港媽決意帶女兒返港 離英清屋倒數一個月 親自揭開回流最大底氣
移英港人回流香港8星期 感慨過去幾年浪費人生 自爆14日神速安頓實錄：終於似返個人
