生命無常｜上年行得走得舊友急病猝逝 62歲好同事突確診癌症擴散 網民：下半生保住「這狀態」已是贏家｜Juicy叮
發佈時間：15:39 2026-11-13 HKT
人生無常，有時保命可能比發達更難。有打工仔感嘆身邊同事接連猝逝及確診癌症擴散，令網民驚覺人生下半場，能保住「這狀態」其實已是大贏家。詳情見下圖及下文：
生命無常｜上年行得走得舊友急病猝逝 62歲好同事突確診癌症擴散 網民：下半生保住「這狀態」已是贏家逐張睇↓↓↓↓
62歲同事淋巴癌擴散 舊友急病猝逝
樓主昨天（12日）在社交平台 Threads發帖，透露「有位同事確診咗 Cancer（癌症），仲要擴散咗⋯⋯」
樓主形容這位 62 歲的同事平日非常健談，生活經驗豐富，在對方身上學到很多東西。見到同事表面上依然樂觀，但樓主心疼表示「但我諗佢心底入面點都會有啲驚，只係唔想身邊嘅人擔心。」
樓主隨後在留言區補充，該同事患的是淋巴癌，今年其實相當多病痛，指「佢今年都幾多病，年頭一隻眼視網膜脫落，做咗激光，抖咗一個多月，希望佢過到呢關」。
這宗不幸，更勾起樓主對另一位逝世舊友的思念，透露「上年農曆新年佢仲行得走得、精精神神，點知短短幾個月後，就因為急病走咗。」
身邊人的接連巨變，令樓主感嘆「大個咗真係越嚟越感受到咩叫生命無常。好多嘢以為仲有大把時間，其實下一秒點樣，真係冇人知。」並呼籲大家無論多忙碌，都要好好照顧自己，珍惜眼前人。
網民：下半生不生癌已是贏家
帖文隨即引發大批網民深表共鳴，並反思活在當下的重要性。有網民慨嘆「下半生唔生 Cancer 先係人生大贏家」，指出在都市生活中，能無病無痛度過餘生已是極大福氣。
樓主看後也非常認同，回覆指「非常認同！行得走得、食得瞓得已經係福氣。大家一齊學習活在當下，對自己好啲，好好養生、好好生活！」，並提醒大家平時千萬不要忽略身體發出的訊號，預防勝於治療，健康才是最大的財富。
網民：要好好珍惜眼前人
面對疾病的不可控，有網民直言「所以話行得走得，想去邊想食咩食咗先去咗先，有計劃係必須，對自己好都係必須」；亦有網民深感認同地表示「人生就係無常！好多嘢唔係我哋控到，就要好好珍惜眼前人！」、「我都學習緊活在當下，我時時憂慮太多，大家努力」。
另外，有網民指出平時太健康、無病無痛反而容易疏忽，直言「就係平時太健康，無病無痛，無認真身體檢查，一有事，就係大件事！」，奉勸大家50歲後如果有些錢，就要去做詳細的身體檢查。
資料來源：florence_shop_city＠Threads
相關閱讀：
餘生只剩20小時相聚？ 40歲港男餞行移民好友 計出殘酷數字大感心寒 網民淚憶亡友：下次再見已是墳前拜祭
見盡中年客力不從心 導遊籲趁年輕盡情去玩 人生不該退休後才開始 掀打工仔激辯應否及時行樂？
