獲派馬鞍山公屋開門驚見「這幕」！打聽前住戶身份嚇退網民：未搬入去已隔空中招？｜Juicy叮

時事熱話

更新時間：16:00 2026-11-11 HKT
發佈時間：16:00 2026-11-11 HKT

一名幸運獲配馬鞍山公屋的網民，在社交平台上發文求助，表示自己獲派該區公屋，但打聽到「前屋主精神有點不正常，加上對面就係垃圾房」，因而陷入糾結，急問廣大網民：「要唔要好？」帖文隨即引發熱烈討論。

網民兩極論戰：實用生活派 Vs 風水玄學派

樓主隨帖文上載了房署配房通知信，可見他獲派馬鞍山頌安邨頌群樓，此外，他又附上現場實拍相片，見到單位大門對面赫然是「垃圾房」。面對樓主提出「垃圾房對到正」以及「前屋主精神不正常」這兩大陰霾，網民意見呈現極端兩極化。

網民：前屋主白卡關你咩事？「窮比精神病更可怕」

不少實用主義的網民認為，前屋主早已搬走，根本毋須杞人憂天：「放心，精神病唔會傳染」，甚至笑言上手與樓主可能「負負得正」。更有網民直言：「前租戶關你咩事呀？」「前屋主有精神病梗係唔好要啦！會傳染㗎！你而家未入去住都已經隔空中招！唔要一定唔好要。」

對於對面是垃圾房，也有街坊現身說法，認為好處多於壞處：「近垃圾房方便掉垃圾」、「閂門㗎啦」，更指出其實每層樓都有單位對著垃圾房，「私人樓都會有單位對住垃圾房啦，咁咪冇人買？」。

網民：風水大忌？「住到精神病，風水能好嗎？」

不過，也有不少網民深信家居風水會影響健康，認為這間屋「住唔過」：
「對住垃圾房或者後樓梯，風水上係唔好嘅。」「風水唔好囉！住到精神病！住到發達，就寧願擺係度白交租，都唔還樓啦！」「間屋風水唔好，住嘅人都容易有病。」

甚至有網民開玩笑建議：「最好搵埋風水大師一齊睇樓，佢話OK先考慮。」卻隨即被其他人反酸：「窮重學咩人講風水？」、「有冇咁多錢請人睇風水啊？」。

網民一致激讚：頌安邨配套極神獲派如中六合彩

撇除單位的缺點，大部分網民都對「馬鞍山頌安邨」這個地點給予極高評價，認為不拿絕對會後悔一輩子：「頌安可以話成個馬鞍山坐車最方便既公屋，所有巴士線都會經過頌安，大老山轉車返馬鞍山......基本上部部車都返到屋企。」「頌安邨最值錢既係條海濱長廊。」「頌安咁好，行去海邊又咁近，樓下商場又大型啲，又多嘢食，行去新港城又咁近，搭車又方便......派到好過中六合彩！」

甚至有同邨住戶現身大力推薦：「我住同邨，好住都爆，你唔要大把人要，上手同你有咩關係呢？歧視？」