接放學驚變人妻偷食溫床 老婆半年內出軌兩個「同學爸爸」 港男農曆年後實行終極反面一步｜Juicy叮
發佈時間：10:40 2026-11-08 HKT
一名37歲港男驚揭妻子半年內兩度出軌不同的「同學爸爸」。面對女方毫無悔意，人夫果斷離婚，並打算在農曆新年後實行終極震撼一步。
人夫更大爆「接放學」如何成為出軌溫床。帖文引來大批網民熱議，更有人自爆慘痛經歷安慰：「當年我輸畀個校工」。詳情見下圖及下文：
接放學驚變人妻偷食溫床 老婆半年內出軌兩個「同學爸爸」 港男農曆年後實行終極反面一步逐張睇↓↓↓↓
老婆半年偷食兩個「同學爸爸」
樓主日前（5日）在 Threads以「出軌」為題發帖，透露多年感情化為烏有：「我同老婆識於中同（中學同學），大家今年都37歲。做咗佢Best friend（好友）10年，後來拍拖6年，目前結婚6年。育有一兒一女。」
他指家裏一向男主外女主內，自己承擔所有開支並聘請工人，卻換來兩度背叛。今年4月，他發現老婆出軌「同學嘅爸爸」，選擇原諒。豈料10月，他再次驚揭老婆二度出軌，對象竟然又是另一名「同學嘅爸爸」。
有網民感嘆原本好幸福，樓主回應：「本來係好幸福，今年有翻天覆地變化，時間過得好慢。」
被問到出軌契機，樓主直言：「佢都Keep（保持）得好好嘅，佢接放學總會有爸爸捺。」 至於破案過程，更全憑一預兆：「講你都唔信。我發夢夢到佢電話入面有古惑，第二朝拎佢個電話跟住夢見嘅嘢就搵到。」樓主並透露一對子女年幼：「一個係普通私校，一個係國際。」
過埋年實行終極一步
樓主拒絕再忍，果斷離婚。他解釋搬走原因：「唔想影響小朋友生活作息，盡力維持，始終佢哋仲係好貼住阿媽。」 樓主指子女年僅6歲和3歲，目前雙方共識在孩子面前「飾演完整家庭」，等過完年、他搵到新屋裝修完便搬走，日後星期六日才返去陪玩。
老婆眼見他態度堅決後，隨即「喊苦喊忽地挽留」，企圖用「畀多次機會，唔會再犯等等」挽回。網民提醒財產安排最重要，樓主霸氣回覆：「計過條數，繼續搞得掂咪自己過新生活。自己有條件做乜Ｘ要受呢啲罪？」
有網民追問會否向對方太太告狀，樓主卻指根本無仇報：「對方（同學爸爸）好識玩，東窗事發食完已失蹤，冇仇報，老手嚟。」、「令唔到，根本完全唔知身份。」
網民安慰：我輸畀校工
面對巨變，有網民留言打氣，樓主展現強大心理質素，豁達回應：「傷心總會有一點。但係人生好漫長，精彩嘅時間太短。時間本身已經夠少，如果再將時間浪費喺唔開心到就唔返出嚟複式虧損。」留言區更有網民現身自爆慘痛經歷：「師兄你算好，當年我輸畀個校工。」
資料來源：Threads
相關閱讀：
移英三年慘戴綠帽 顧家港男驚揭太太連環出軌 曖昧對象震碎三觀 妻堅決離婚背後藏「一殘酷原因」
阿叔東鐵捉姦扯走短裙女 車廂掟電話情緒大崩潰：「戴綠帽呀！溝埋啲大陸仔呀！」
綠帽「暖男」騰雞捉姦：「是否已經好多次？」 老婆姦夫笑著咁答
姦夫疑躲衣櫃整水喉？ 綠帽人夫持刀怒吼：搞了多少次 網民狂食花生
