瞞家人註冊抽居屋 一簽紙即「分居」 熬到收樓人妻竟另結新歡 網民自爆更多畸形婚姻關係｜Juicy叮
發佈時間：10:44 2026-11-07 HKT
以婚姻作籌碼的置業賭博，代價可以極其慘痛。有網民探討夫妻為慳租金等抽居屋而婚後分開住的現象。帖文釣出不少畸形婚姻關係，當中有人瞞著家人註冊簽紙，熬到居屋收樓時人妻卻已另結新歡，未正式公佈結婚就要先辦離婚；更有人夫利用「分居」做獨行俠多次出軌。詳情見下圖及下文：
瞞家人註冊抽居屋 一簽紙即「分居」 熬到收樓人妻竟另結新歡 網民自爆更多畸形婚姻關係逐張睇↓↓↓↓
網民自爆案例：瞞家人註冊熬到收樓竟離婚
樓主早前在社交平台Threads以「婚姻關係」為題發帖，探討夫妻婚後分開住的現象——
「最近睇一個 Thread（帖文）見有人結咗婚，但為咗慳錢，唔租屋，所以冇一齊住，然後男方出軌。諗起一個識嘅朋友都係咁，為咗慳錢，結咗婚，唔租屋，想等抽中居屋，所以幾年冇一齊住，關係穩定。想探討下結完婚唔一齊住係咪已經一個趨勢？唔一齊住係令關係穩定定破裂？」
帖文引來網民自爆身邊案例，情節令人咋舌：
•「朋友的妹妹最初諗住同男友抽到居屋，等到入伙就正式擺酒結婚，所以就只靜靜地（連雙方家長都唔知）去註冊，註冊後無一齊生活，一切如從前一樣，約一年後真的抽到及揀樓，但兩年後才入伙……結果當居屋入伙時，女方已另結新歡，在未正式宣佈結婚前已要先辦離婚，間居屋要等入伙後兩年才可轉回完全男方名下。」
•「想當年結婚男方唔想租樓，分開住。此生活維持幾年，中間試過嗌交，男方多次做獨行俠，單飛，發現更多背叛自己嘅事，冷靜一年。19年修補關係後，喺22年買樓一齊住。」
•「我當年都係為咗抽居屋，勁低調喺律師樓簽紙就算，之後就各自返屋企住，好彩2-3年就抽到居屋，之後先補擺返酒，就係為咗避免啲三姑六婆／同事問問問問，點解結咗婚都唔一齊住呀，因為等抽居屋囉，我寧願住自己屋企，都唔想到奶奶屋企寄人籬下。」
網民質疑婚姻形同虛設
樓主隨後補充，有苦主是「準備一齊住先發現對方出軌」，臨門一腳發現背叛，令人心碎。
網民直言無法理解這種「分居」模式，反問：「唔一齊住結婚做咩？」有人堅決反對：「我個人不能接受結婚後分開住！要分開住，唔好結。」更直言即使儲錢慢，也寧願先租後買，甚至「維持一直租」亦拒絕「分居」。
亦有網民認為感情生變與分開住無必然因果關係，理性分析：「關係要結束同係咪一齊住應該冇關」、「出軌同租屋兩件事嚟……出軌就算住豪宅都會……人問題」，更有網民直言「結婚都可以離婚」。
前度藉等居屋拖延 港女果斷斬纜
討論區中，更有女網民分享親身經歷，指20多歲時，前男友曾多次提出婚後「分居」的藉口：
「佢話佢身邊都有啲朋友係結咗婚唔係一齊住，啲朋友嘅意思係唔止一個，即係好似等抽居屋咁。其實聽到佢講咗兩三次，已經知道佢咩料。我30歲嗰年同佢分手，單身直到今日都冇後悔，我接受唔到，咁不要結婚啦！」其果斷態度獲網民激讚：「你做得好好。」
資料來源：fatima_yolo_hk＠Threads
相關閱讀：
二人白表申請居屋 揀樓大日子因一事慘遭取消資格 準業主灰爆 網民以最傳統4字真言安慰
80呎新公屋換283呎啟德居屋！公屋女已付13萬訂驚後悔 網民：1原因值得「大換細」
