乖乖女大學畢業唔坐寫字樓「靜雞雞」轉做呢行藍領工家長嚇壞覺冇面網民指人各有志反讚有勇氣｜Juicy叮

時事熱話

更新時間：13:00 2026-10-16 HKT
發佈時間：13:00 2026-10-16 HKT

有家長望子成龍，卻因面子問題引爆網絡大戰。近日有人代友訴苦，指朋友的女兒大學畢業後，本來一直做開辦公室文職。豈料最近驚覺她竟然「靜雞雞」辭職，轉行去食品廠做包裝藍領工。

家長頓時被嚇壞直言「接受唔到覺得冇面」，焦急問點算。不過，帖文引來網民反彈，直指人各有志，反讚女生勇氣可嘉。詳情見下圖及下文：

乖乖女大學畢業唔坐寫字樓「靜雞雞」轉做呢行藍領工家長嚇壞覺冇面網民指人各有志反讚有勇氣逐張睇↓↓↓↓

瞞家人轉做包裝工家長崩潰「覺得冇面」

樓主昨天（15日）在社交平台Threads發帖，指朋友的女兒大學畢業，之前做開辦公室文職，但最近朋友驚覺她「唔知幾時靜雞雞辭咗職，去咗做食品製作、包裝嗰啲工」。

帖文引來網民直斥「關你鬼事咩」。樓主回應澄清，指朋友向其求助，他個人覺得「只要唔係犯法靠自己搵錢就得啦」，無奈家長思想傳統，「接受唔到覺得冇面」。

對此，有網民直言女生自食其力根本沒問題：「佢有返工冇問父母攞錢就由得佢啦！」、「又唔係去偷呃拐騙，有乜問題？」。

網民分析「靜雞雞」轉行心酸真相

另有網民著力剖析女生隱瞞的原因，直言是逼出來的：「知唔知點解佢要靜靜雞辭職？因為家人根本唔會支持，講出嚟只會換來無盡嘅負面情緒⋯」、「子女有自己嘅人生，最怕家長一邊幫唔到手，一邊又逼子女成就自己嘅虛榮心」。

許多人更加直言，寫字樓神話早已幻滅，轉行包裝明智且有勇氣：「其實佢好有勇氣，好多人就係怕其他人點睇，唔夠膽辭職屈到病！」、「而家好多 Office（辦公室）文職得萬幾蚊，仲要日日 OT（加班），分分鐘做藍領包裝人工仲高、又準時收工！」、「Office 工精神壓力大到變精神病就手尾長喇！人生短短數十載，不要為唔鍾意嘅工而痛苦」。

更有「過來人」現身說法：「我大學畢業做咗1年 Office 唔鍾意，最終搵到做 Cafe（咖啡店）沖咖啡做得開心。另一個朋友同樣大學畢業，去賣麵包一樣賣得好開心。只要養得起自己，唔靠屋企就冇問題」。