西九龍地段大論戰 港男高調吹捧：奧運係香港最宜居地？ 網民力撐呢個鄰區更好住｜Juicy叮
發佈時間：15:34 2026-09-27 HKT
近日有港男在網上高調吹捧奧運站是「香港最宜居地」，大讚其「15分鐘過海兼近旺角」且多美食。但有網民不以為然，反而力撐「呢個鄰區更好住」，在網絡上掀起西九龍地段大論戰。詳情見下圖及下文：
西九龍地段大論戰 港男高調吹捧：奧運係香港最宜居地？ 網民力撐呢個鄰區更好住逐張睇↓↓↓↓
樓主：奧運一街之隔大角咀多好嘢食
樓主早前（19日）在社交平台 Threads發帖挑機，高調發問：「奧運算唔算香港最宜居地方」。
樓主列出4大優點，指該區「交通方便，地鐵 15 分鐘過海」、而且「生活配套齊全」。樓主更指出該區最吸引的重點，在於「一街之隔到大角咀勁多好嘢食，多小店」，而且「唔算吵，但隔壁已經係旺角」，最後更拋出一句「不服來辯」，顯得信心十足。
帖文隨即引來大批認同的網民，留言大讚「奧運好地方」、「同意！」。更有網民指：「計交通的確冇得輸，其他就還好。」
街坊：住足4年唔想搬
有自稱「住咗 4 年都唔想搬」的街坊現身，細數該區優勢：「環境又靜，返中環 2 個站搞掂，落 Tst（尖沙咀）又有小巴，行路又行到出旺角，大角咀又多嘢食。」該網民更指「如果行出去食嘢，肯行去大角咀就多嘢食，唔行嘅話外賣都好多選擇」。
第一代居民現身：去機場快綫、高鐵極方便
甚至有「第一批奧運居民」現身，透露在該區住咗 20 幾年，直言交通方便到極點，除了過海快，機場快綫與高鐵站更近在咫尺，「旺角行10分鐘就到，去東九龍坐車喺奧海城轉出去就已經係中九龍繞道入口」。
該老街坊更力撐該區旺中帶靜，即使夜晚落街，不論是一號銀海海邊、富榮花園的海泓道，或者紅十字會那邊的海庭道，「夜晚都係好靜，九龍市區嚟講係好少有，自從搬入奧運後就好滿意呢區」。
網民大爆生活死穴
然而，這番美讚卻引來不少反擊。有前大角咀街坊坦言，該區其實處於尷尬位置：「我覺得去所有地方都係話遠唔遠，話近唔近。但有小店有商場，行出旺角有街市，算係豐儉由人，生活機能算齊全。」
亦有網民不以為然，直指該區設計不夠人性化：「唔太同意，奧運去旺角油麻地都要行天橋，富榮去奧運站都 10 分鐘。」也有人指出該區地理死穴，直言「要去九龍東唔太方便」。
更有港島區的支持者加入戰團，反問：「點解唔住灣仔或天后，隔壁就係 Cwb（銅鑼灣），連 15 分鐘過海都慳返？」。
更有網民指該區生活枯燥，大呻「夜晚咩都無」。也有其他地區的支持者抬槓，直言「跑馬地更好，近銅鑼灣多嘢食，自成一角」，認為奧運根本稱不上最宜居。
鄰區南昌獲擁躉激讚
在這場地區大混戰中，有街坊表示，該區雖然交通方便，但區內的商場配套不夠親民，並直言「係幾好，係空氣差咗啲」。
相較之下，不少網民反而力撐鄰區南昌更具性價比。有南昌擁躉留言高呼「南昌好啲」，並細數南昌優勢，指出該區「有東涌綫、屯馬綫，同地鐵站嘅距離可以話係零。雖然對面有公屋，但有公共圖書館、街市」，認為「南昌都方便」，性價比甚至更勝一籌。
資料來源：w_tf6.30＠Threads
相關閱讀：
列7大優點狂捧土瓜灣 港男：真正係喺香港嘅中心 網民因乜事唔賣帳？
住將軍澳自帶光芒？ 嘲屯門「垃圾地方」惹地區大戰 網民分析「一共同點」秒息風波
將軍澳、天水圍世紀大對決 網民列7大優劣全方位對比 激讚TKO商場連天橋極便利 TSW憑「3大隱藏長處」扳回一城
