大懵BB雀誤闖大埔夾公仔店 勇士出動拯救 網民憂問：係咪要夾佢出嚟？｜Juicy叮
更新時間：08:16 2023-12-15
發佈時間：08:16 2023-12-15
發佈時間：08:16 2023-12-15
字體大小
有隻雀仔匿機底。一隻大懵BB雀仔早前誤闖大埔廣場一間夾公仔店，由於怕人多越躲越入，匿在機底狂嗌，幸有熱心人出動拯救。有網民則擔心地提問「係咪要夾佢出嚟？」。
樓主早前在facebook專頁「大埔 TAI PO」發帖，上載兩張BB雀仔站於夾公仔機搖桿旁的相片，帖文指「夾公仔鋪頭有隻BB雀仔，佢依家匿咗喺啲機下面唔出嚟。佢好細隻，似乎唔識出返去。鋪頭位置：大埔廣場樓上、爭鮮隔離新開夾公仔鋪」。
BB雀仔誤闖夾公仔店 拯救過程逐張睇↓↓↓↓＋ 網民熱心回應↓↓↓↓
網民熱心出動：我過緊去睇
回應的網民估計是斑鳩BB，並擔心「走咗入商場好難搵父母」。有熱心網民擔當勇士，連隨表示「我過緊去睇」，不過抵達後卻「成間鋪搵過見唔到」，並估計情況應可以放心，因「附近冇馬路，離開隔離個公園唔太遠，（BB雀仔）應該識路返去」。
樓主與其他網民接著緊張地指：「之前好似話喺嗰啲機個底度」、「佢頭先匿咗喺啲機下面，匿到好入」、「請看看機底」。熱心網民於是在機底發現BB雀仔，指「見到啦，太多人出入佢唔敢出嚟」、「隻B喺度狂嗌但好難捉佢出嚟」。於是有人建議「有冇啲長條形嘅竹枝或者掃把咁可以撩佢出嚟？」，有人則擔心地提問「係咪要夾佢出嚟？」。
BB雀仔誤闖夾公仔店 拯救過程逐張睇↓↓↓↓＋ 網民熱心回應↓↓↓↓
拯救後暫放袋內
熱心網民於是「問咗隔離爭鮮借條棍，現場太多人夾公仔，根本冇可能一個人捉到」，經一輪努力後，最終報喜
「捉到啦！」，將BB雀仔放入袋內，完成拯救行動。
樓主連隨感謝，說聲「辛苦晒」；有網民則指「無受傷無異樣的話放番出去安全位置便可，阿媽應該喺出面等緊佢㗎喇」。
BB雀仔誤闖夾公仔店 拯救過程逐張睇↓↓↓↓＋ 網民熱心回應↓↓↓↓
夾公仔店相關新聞：
家長托起夾公仔店遊戲機起勢搖 小朋友有樣學樣網民鬧爆無家教
家長托起夾公仔店遊戲機起勢搖 小朋友有樣學樣網民鬧爆無家教
大埔夾公仔機內驚現「怪手」擸公仔 天眼直擊古惑仔奇招偷竊
大埔夾公仔機內驚現「怪手」擸公仔 天眼直擊古惑仔奇招偷竊
天眼直擊｜離譜賊阿媽攜女偷竊 網民痛心：咁快教壞個女
天眼直擊｜離譜賊阿媽攜女偷竊 網民痛心：咁快教壞個女
----
《星島頭條》APP經已推出最新版本，請立即更新，瀏覽更精彩內容：https://bit.ly/3yLrg
最Hit
