零售業打工仔日日受氣苦呻「基本尊重都冇」!力數客人/老闆2宗罪 網民安慰:問心無愧就得
發佈時間:16:19 2026-11-17 HKT
香港零售業市道低迷,前線員工壓力可謂百上加斤。近日,有從事零售業的網民在社交平台大吐苦水,大呻除了要應付千奇百怪的客人,還要迎合公司制定的營業額,直言「打份工做到連基本尊重都冇,真係會攰」。帖文引起網民熱議,不少網民安慰樓主,「問心無愧,盡咗力,就ok 」;也有網民精闢留言,「香港做服務業,三個月內貞德都變希特拉」,即看下文了解詳情。
港女做零售日日受氣 力數客人/老闆2宗罪斥「基本尊重都冇」
近日,有從事零售業的網民在Threads以「做零售嘅一齊嚟訴下苦」為題發文,力數客人及老闆2宗罪,苦呻「員工都有被尊重嘅權利」,直呼「打份工做到連基本尊重都冇,真係會攰。」
樓主指出,日常工作經常遇到「難頂」顧客,有些客人一進店就「黑口黑面」,仿佛店員「得罪佢咁」;如果店員主動上前招呼會被嫌煩,不問又會被投訴「唔識招呼客人」。此外,不少客人經常插隊問問題,「成日話『我只係問一句啫』,結果一句之後又一句,問到天荒地老」,更有部分理解能力極差,「同一件事解釋十次都仲係唔明,我真係無能為力」。若要求客人排隊問問題,更會被當面斥責。更甚的是,部分客人更會以投訴作威脅,「郁啲就話要投訴服務態度差,大佬我都未開始服務你,你已經準備投訴我?」
近年香港整體零售市道疲弱,店舖生意大不如前,樓主感嘆「返工無生意,日日剩係做CS( 顧客服務)已經好慘,又俾你(老闆)講到我哋有生意唔做咁。」公司內部設定的銷售額也讓她倍感壓力。樓主透露,公司在月初訂下銷售目標,到月中竟無故調高五成,最終無法達標又被怪責,「條數差話我哋唔夠努力」。此外,老闆對待員工態度也極其惡劣,「老細落場巡舖剩係識呼喝員工當我地狗咁」。
網民感嘆:尊重應該係雙向
帖文引起網民熱議,有網民感嘆零售業「難做」,「香港做服務業,三個月內貞德都變希特拉」、「完全明白,我成日都認為佢地係咪要迫到無晒好人為止」、「零售員工真係受氣包,客人要被尊重,員工都一樣需要被尊重」、「唔係好明白,點解啲客可以無禮貌無視店員,甚至呼喝店員,但店員就要保持禮貌回應,尊重唔係雙向嘅咩?」
有暖心網民安慰樓主,「適應就好,至於老細呼呼喝喝,當佢耳邊風,當佢唱歌」、「試下放開啲,唔好動氣,提高EQ,邊個動氣邊個輸,當佢地笑話咁睇,唔好俾人PUA啊,加油!」亦有網民建議,若承受不住壓力不妨考慮轉行,「我建議你轉行做CS,因為做SALES壓力大,你受唔住呢。 如果冇經濟壓力就做自僱人士,跑自己數,慢慢湊客,慢慢成交。」
圖片及資料來源:Threads
文:Y

















