港人18°C著冬天衫遭質疑誇張「好似去北極咁」網民無奈反擊：唔好咁啦真係冇乜機會著

更新時間：16:45 2026-11-11 HKT
發佈時間：16:45 2026-11-11 HKT

近日，香港在經歷最暖10月後氣溫終於顯著下降，不少人紛紛拿出秋冬外套保暖。然而，有市民在社交平台發文，稱當日氣溫為「是（攝氏）18度不是（攝氏）8度」，好奇「大家啲褸會唔會厚咗少少」，也有網民笑言「個個著到好似去北極咁樣」，引來不少網友留言討論，有人無奈解釋香港能夠穿冬天衣物的時間愈來愈短，難得遇上氣溫下降，慨嘆「著到一日兩日都好啦，買左成年未著過」。

天氣轉涼港人冬衣初登場港人笑言：著到好似去咗北極

香港經歷最暖10月後，近日氣溫顯著下降至「1字頭」，不少市民紛紛拿出秋冬厚衣保暖（資料圖片，示意圖）

隨著近年全球暖化趨勢，香港冬季變得短暫且常伴隨偏暖天氣，真正寒冷的天數屈指可數，導致市民衣櫃內的厚外套與冬裝鮮有用武之地。近日，有網民在社交平台發文分享在香港街頭觀察到的「奇觀」，直言「今天（攝氏）18度不是（攝氏）8度wor（喎），大家的褸會不會厚了一點？」也有人笑言：「香港人因為驚啲冬天衫冇機會着，今日都唔係凍，個個著到好似去北極咁樣嘅」，又稱可以理解長者多穿衣物保暖，「個個後生仔後生女都著到好似人哋幾度咁樣」，對此感到大惑不解。

網民無奈反擊：著到一兩日都好啦

帖文公開後隨即引起網民討論，有人指出香港各區的氣溫差距頗大，加上風力影響體感溫度，而且不少打工仔都需要跨區上班，表示「大風地區是真的要，我住將軍澳，落街超大風！到上班地點，就覺熱啦！香港雖小，但不同區也有一點點出入」、「香港那隻凍是很不一樣，就算有成15至16度，體感也像加拿大的7-8度」。

與此同時，不少網民坦言穿冬季衣物並非單純為禦寒，而是因為機會難得，無奈表示：「或者怕今年無得凍咪『享受』吓感覺啫」、「唔好咁啦我真係冇乜機會著，著到一日兩日都好啦買左成年未著過」、「全年得果幾日涼，我自己就會為左着冇乜機會着嘅靚秋冬衫而着，唔係因為想保暖」、「算了，今天不穿也不知道還有沒有機會穿」。

來源：Threads

文：LW