港男冒險樂園贏iPhone 18 Pro Max！花逾1年儲55萬飛分享心得網民震驚：原來真係有人換到

更新時間：14:30 2026-11-02 HKT
發佈時間：14:30 2026-11-02 HKT

美國冒險樂園（Jumpin Gym U.S.A.）設有獎票制度，玩家可以憑此兌換文具、玩具及小型家電等各式禮品。近日，有港男於社交平台發文，表示花費逾1年時間，終憑逾55萬獎票換到最新的iPhone 18 Pro Max，更分享兌換心得及所見所聞。不少網民對於在冒險樂園換得iPhone感到震驚：「原來真係有人換到！」詳情即看下文！

港男花逾1年儲冒險樂園55萬獎票成功贏iPhone 18 Pro Max

最近，有港男於Threads發文，指花超過1年時間，終憑逾55萬獎票換到最新推出的iPhone 18 Pro Max！樓主表示，由正式兌換到iPhone到手需時1星期，「仲快過上次部洗碗機」。樓主表示，需要在1年多時間儲55萬獎票並不容易，因贏得大額獎票難度愈來愈高，「自從九宮格冇得搖箱之後，啲飛就難攞左好多」，而且同場有不少人對於JP（Jackport，累積獎金）虎視眈眈，「叔叔嬸嬸會長期袋住token係（喺）身，只要佢哋見到JP淨翻一格，佢地就會光速岀手」。不過，樓主亦表示現場有不少友善玩家，會「識英雄重英雄」。

在冒險樂園的官方網站有顯示「精選禮品分類」，各式禮品會定期作出更新，禮品種類繁多，如「外遊用品」、「家居電器」、「電子產品」等，惟未見有iPhone等智能電話產品。據樓主回覆留言時分享，原來冒險樂園分店內另設一本禮品簿，簿內有活頁詳細列出「Apple智能手機」各型號的兌換要求，而樓主成功換得的iPhone 18 Pro Max，為512GB版本，兌換獎票總數實為554,130。另有iPhone 17、iPhone 18 Pro、AirPods 5及AirPods Pro 3可供兌換。

樓主贏iPhone震驚網民：「原來真係可以換手機」

有網民對於樓主能以獎票換得iPhone表示震驚，「原來真係有人換到」、「原來真係可以換手機」。有不少玩家則為樓主終能贏得iPhone 18 Pro Max表示欣喜，亦有分享自己的「戰績」，「儲左70幾萬飛，18出前換左部17先，而家就快夠換多部18」、「最勁都係換部Switch返嚟」、「差唔多三成嘅家電都喺冒險樂園換」。樓主亦有就不少網民問到的成本問題作出回應，「我冇統計過用左（咗）幾多錢去換iPhone，因為中間我都換過好多唔同野（嘢）」、「前係每個月買1500因為咁係最抵買」，又謂在成功贏得iPhone後「諗住chill玩」，「淨係每星期去入20蚊」。

文：TF

資料及圖片來源：Threads、星島圖片庫、冒險樂園