港人搬屋遇終極兩難：「大西北養車VS市區冇車」？網民意見兩極：睇你鍾意方便定清幽

更新時間：16:01 2026-10-27 HKT
發佈時間：16:01 2026-10-27 HKT

居住空間及交通配套便利，向來是不少港人置業的考量。近日，有網民在社交平台發文，稱近日打算搬屋，惟遇上一大難題：「大西北養車VS市區冇車」，遂向網民提問「你地會點揀？」帖文引起網民激烈討論，有人認為前者更佳，「有車先有自由有生活！」；有人則選擇後者，「住大西北去邊都好遠」；也有網民建議樓主考慮自己需要，「其實兩個選擇時間同成本都差唔多，係睇你鍾意方便定清幽。」即看下文了解詳情。

大西北養車VS市區冇車？港人搬屋遇終極難題

近日，有網民在Threads發文，稱最近準備搬屋，惟仍未決定選擇哪一區，以及是否應該購買代步車輛，煩惱「住大西北+養車」好？抑或是「住市區+冇車」好？於是決定向網民尋求意見，「你地會點揀？」樓主隨後在留言區補充，自己在荃灣區上班，公司並無提供免費泊車位。

網民意見兩極：養車開支高昂 VS 舒適居住環境

帖文引起網民熱議，支持「大西北+養車」的網民認為，新界的居住環境與空間完勝市區，有私家車出入也方便，「揸慣咗車係唔會想同人逼，加上新界靜啲人少啲，小朋友玩嘅空間同地方大啲，我打死都唔會搬出市區」、「住大西北，養車for假日，荃灣返工可以搭巴士/屯馬線」、「荃灣返工，一定係住大西北+養車，有車仲方便過市區出入，仲要大西北可以住大啲，個心情差好遠。」

不過，有網民認為香港養車開支高，且公共交通發達，即使沒有私家車也可應付日常出行，「咁你單係車位支出都講緊隨時可達$6、7000，就算兩面泊爛地都$4000」、「無就無需要養車吧，香港公共交通好方便同準時。」有網民亦提醒樓主應考慮大西北容易塞車的問題，「大西北養車，日日塞車」、「計咗每日隨機塞車時間未？」、「最緊要係你經常出入嘅地方泊車方唔方便，如果返放工時間要行屯公就咪攪啦！」

最後，亦有「過來人」網民總結，稱兩個選擇在時間與金錢成本上各有取捨，樓主需考慮清楚自己需要，「過來人，大西北養車。大西北就係一個圍城，裡面嘅人想出去，外面嘅人想入去，其實兩個選擇時間同成本都差唔多，係睇你中意方便定清幽。」

圖片及資料來源：Threads

文：Y