港人遇南亞裔學童4人分3支可樂 暖心做1事「希望好好成長」 網民：係金色記憶球！
發佈時間：17:19 2026-10-22 HKT
香港生活節奏緊湊，港人常予人冷漠的印象，但事實上不少人都是「外冷內熱」，社區內亦常有守望相助的溫暖故事。最近，有港人於社交平台分享於深水埗一間連鎖家品店遇到4名南亞裔學童，發現他們因不夠錢而需要4人分享3支可樂，當下決定為他們送上1個暖心舉動，形容「佢哋好開心，猛咁同我講多謝」，更大讚一班小朋友有禮貌，希望他們能夠好好成長。帖文令不少網民大受感動，認為樓主讓小朋友留下美好回憶：「係金色記憶球！」
港人家品店遇4學童「唔夠錢買可樂」 暖心請客讚小朋友「好有禮貌！」
最近，有港人到深水埗一間連鎖家品店購物時，在店內的飲品冷櫃前碰見4名南亞裔學童在汽水櫃前商討良久，最後以$12入手3支迷你可樂。樓主指他們一行4人，理應購買「4支正常膠樽size（$15/2）」，顯然是「好明顯佢哋唔夠錢，只可以買3支迷你版」。樓主隨後向未能分到可樂的小朋友表示，自己正想飲可樂：「既然要買兩支，多咗一支就送畀佢。」
該名小朋友本來不肯接受樓主送出的可樂，甚至堅持向他付錢，「佢手上只有大約五、六蚊，我好堅持要送畀佢」，而同行小朋友亦鼓勵他收下。最後，獲贈可樂的小朋友害羞地接受，樓主更向他們送上一筒薯片，「佢哋好開心，猛咁同我講多謝」。樓主感嘆沒想到現今香港，「仲有小朋友唔夠錢買可樂，有薯片食已經好開心」，最令他感到難得的是4位小朋友不貪心，「好有禮貌，少少嘢就好滿足好感恩，希望佢哋可以好好地成長。」
網民感動：希望佢哋將記憶球再一個傳一個
帖文引起網民關注，不少人大讚樓主的暖心行為，為4位小朋友於成長階段帶來「金色記憶球」（源自動畫《腦筋急轉彎》，象徵快樂、溫暖、愛或深刻感動的珍貴核心記憶）：「真正金色記憶球，希望佢哋日後會將個記憶球再一個傳一個」、「嗰四個小朋友多咗個金色記憶球」、「同理心好重要，多謝樓主示範俾下一代香港人睇到，希望佢哋畢生受用」、「好善事係好開心㗎，見到人開心自己都開心」、「唔知點解睇到眼濕濕」。
有網友則分享小時候曾遇到的好人好事，坦言小朋友確實會記得快樂的回憶，「我細個朋友仔雪櫃前傾點買，結果有個叔叔請我哋食雪糕，我哋記咗一世」；也有人表示其實本地不少南亞裔人士都很有禮貌且熱心，「每個國家都有好人同唔好嘅人，大家唔應該用有色眼鏡睇人」、「有次喺超市個大媽整跌晒人哋幢金莎行咗去，幾個踢完波嘅南亞小朋友，見到行過去執返，好乖仔」、「近排去大埔海濱長廊吹泡泡，有個南亞小朋友望住我哋玩，我哋比咗一樽佢，佢都有少少唔好意思，望望佢媽咪點頭示意先接，兩母子一齊講thank you超有禮貌」。
文:R
資料及圖片來源:Threads
延伸閱讀：回收香港水晶退貨 打開另附「感動手工回禮」!? 內地店主對港人大改觀 網民提醒一事結局大反轉...
