長者網購酒店餐券被騙走$6萬？女兒斥騙徒假冒客服致放低戒心 網民心痛：想像到伯母係有幾內疚
發佈時間：16:21 2026-10-21 HKT
近年涉及網絡購物及假冒客服的騙案屢見不鮮。最近，有港人發文指母親於日前跌入不法分子的陷阱，經社交平台網購酒店餐券後，有騙徒假冒平台客服以系統故障為由，一步步令她放低戒心， 誘使進行多筆轉帳，最終騙走近$6萬元，樓主嘆：「有時唔係佢哋蠢，而係騙徒真係會用各種方法，一步一步取得你嘅信任，再趁你混亂嘅時候落手。」
港人分享母親受騙全過程 網購餐券陷騙徒陷阱
有網民在社交平台上分享個人經歷，指其母親在大約3日前於Facebook看到旅遊預訂平台的廣告，於網上購買了一張酒店午餐代用券，原定付款完成後會收到一個二維條碼到餐廳兌換，不料隨後卻收到自稱平台客服的詐騙訊息，因而步入騙局。
騙徒先透過WhatsApp訊息聯絡事主母親，自稱是平台客服，聲稱之前付款時「酒店嗰邊出現問題，未能收到款項」，需要重新付款並承諾隨後會退款。雖然事主母親一開始有所猶豫，但騙徒隨即安撫道：「你唔使擔心，你先透過網上銀行過一蚊俾我哋，我哋會即刻過返俾你。」事主母親照做後確實收到該款項，因而「慢慢放低咗戒心」。
騙徒隨後指示其母親在網上銀行輸入所謂的「通道碼」，並在銀碼欄輸入指定數字「9986」，結果首筆款項「$9,986」即被轉走。面對事主母親的追問，騙徒繼續安慰指：「唔使擔心，我哋之後會退返俾你，應該係有啲嘢搞錯咗。你快啲喺網上銀行再輸入多次我哋俾你嘅密碼啦，49986。」事主母親再次操作後，發現「再次被騙」，今次再被轉走$4萬多港元。
整個過程維持了約兩小時，事主形容母親被對方「不斷指示同解釋搞到頭昏腦脹」，最終損失近$6萬元，而騙徒隨後更將所有對話內容刪除並失聯。事主在文末呼籲大家「多啲關心身邊嘅長者」，並坦言：「有時唔係佢哋蠢，而係騙徒真係會用各種方法，一步一步取得你嘅信任，再趁你混亂嘅時候落手。」
網民心痛：想像到伯母係有幾內疚
不少網民心疼事主母親，直言「想像到伯母係有幾唔開心，唔好怪佢唔好話佢喇，好可憐」、「佢會好內疚好唔開心同埋好無面，覺得自己好無用咁」；亦有網民感嘆長者溝通難處，指出「佢地心態係會覺得自己仲好醒、甚至會覺得我管住佢，所以好多野都唔會即時同我講」。事主回覆嘆：「第一下都真係會覺得有冇搞錯啊咁都俾人呃，但係聽佢講返晒佢成件事之後都真係冇怪佢，覺得自己有機會都可能俾人呃。」
有網民亦分享個人防騙心得，強調「買coupon一律開app」、「全部先當假」，甚至有人分享過往拆穿相同手法時「即刻打電話凍結我個戶口」，呼籲市民時刻提高警惕。
來源：Threads
延伸閱讀：50歲同事嚴重脫節！不懂手機落單 顧面子拒人幫 港女憂「好驚自己老咗會咁」 網民看穿真相：唔關年紀事
