名牌二手店一日連收4個假袋？店員呻連遇LV/Hermès冒牌袋「求安慰」網民好奇：明知假都賣定唔知個袋假？

更新時間：18:34 2026-10-15 HKT
發佈時間：18:34 2026-10-15 HKT

二手名牌手袋於市場有價有市，不少人會將閒置的手袋賣到二手店回收。近日，一位二手名牌店店員於網上發文，苦呻一日之內竟然連續遇到4名客人帶同假袋上門要求回收，部份手袋單從「車線」已看出為冒牌袋，令他不禁崩潰「想求安慰」。帖文引起網民熱議，更有人對於賣家的心態感到好奇：「明知假都賣，定係唔知個袋假？」

二手店員一日連遇4個名牌假袋崩潰發文求安慰

近日，一名任職於二手名牌店的店員在社交平台上連續發佈四則帖文，每則帖文都附上一張客人帶來的名牌袋，四款手袋先後為Louis Vuitton Clutch Bag、Hermès Lindy Bag、Balenciaga Le City Bag及LOEWE Puzzle Bag。惟樓主補充因鑑定為仿冒品所以拒收，連續四次遇到假袋令他不禁崩潰發文「求安慰」，「我今日真係收袋收到懷疑人生，一隻袋用幾分鐘，所以唔好再問我啲片係真定假，不如睇吓你隔離個friend係用真的定係假的！我真係想問吓係咪有人俾錢上嚟俾啲假袋放？一日到晚都有！」

網民震驚：拎個假袋來賣？！

帖文引起網民熱議，有人對賣家的心態感到好奇：「係明知假都拎去賣（即係呃）定佢哋唔知自己個袋係假」ＣＭ５、「吓？＠拎個假袋來賣？！」、「到底好多香港人俾人呃用假袋自己唔知，定咁多人拎假嘢去博大霧賣」ＣＭ８、「Sorry但我忍唔住笑，辛苦你了」。有不少網友一眼看出Hermès Lindy Bag為仿冒袋，直言「車線」已經出賣其真身：「睇車線已經知係低仿」、「假到出汁」ＣＭ２、「啲線縫得好差，低仿」、「條線車到咁直呀」ＣＭ４、「個袋睇落一啲高級感都無」、「直線已經錯」。

文:R
資料及圖片來源:Threads