$8.8萬全包公屋裝修驚變「公廁風」？衣櫃+地台床+趟門間出2房全屋1配色出事網民反應兩極：客人揀色VS無審美

更新時間：13:15 2026-10-03 HKT
發佈時間：13:15 2026-10-03 HKT

公屋成功「上車」固然令人羨慕，但如何將單位打造成溫馨安樂窩，往往考驗戶主的預算與審美觀。近日，有裝修師傅於網上社文平台分享一個公屋裝修個案，戶主以$8.8萬完成全屋工程，更利用衣櫃、地台床及趟門間出兩房。最終成品引起網民熱議，指出房間裝修因用上1配色出事，形容整體視覺效果有如「公廁風格」，即睇下文了解！

公屋$8.8萬全屋裝修奇特配色被形容似「公廁風」

在寸金尺土的香港，不少家庭在裝修公屋單位時，往往為了增加收納空間選擇製作大量儲物櫃。最近，一位裝修師傅於網上分享一個公屋全屋裝修的個案，由於單位除了廚廁之外，並沒有任何間隔，故此戶主需要間出兩房供一家三口居住同時保留私人空間。整個單位裝修工程花費$8.8萬，包括髹漆、鋪設地磚、間隔房間以及加設廚房及窗戶趟門等。

不過，最終成品吸引網民關注，全因其粉紅色地台床及用作間隔的大衣櫃，配搭米黃色的趟門的顏色，令一眾網民笑指整體視覺得效果與公廁相似，甚至質疑單位設計的審美觀，「啲色調好似廁格」、「一開頭幾秒以為帶睇踎廁或沙灘球場嗰啲公廁」、「黃色配粉紅色，加埋白色嗰個地下冇一樣嘢係夾」、「呢啲就係裝修同室內設計嘅分別」、「無審美能力嘅人，真係唔好自己動手襯傢俬，交返畀專業人士搞，乜嘢配色嚟？」

網民平反：成個單位整算平

對於單位裝修變「公廁風」，雖然有網友認為成品「肉酸」，但大多網民為裝修師傅平反，認為從師傅的工作室樣板可見，不少趟門及地板選擇都有「靚款」。有人認為選用裝修配色還是由客人下決定，加上工程費用算實惠，客人滿意顏色配搭便足夠，「如果好窮冇錢自己唔落手整，比9萬整到咁已經算住得舒服」、「配色嘅嘢個客ok咪ok，仲以為整咗$18萬8，咁多人彈」、「除咗個顏色有問題之外，公平啲咁講$88,000係整個廁所都未必得，當然將貨就價就一定」、「$88,000唔係淨set櫃仲做埋油漆地板廚房真係交足貨，真係冇肉食出糧價」。

有眼利網友留意戶主育有一名女兒，推斷選用粉紅色或出於小朋友的意見，「留意吓屋主應該有個女，唔係好大個，可能佢女鍾意粉紅」、「個客兩公婆加個應該係小學生嘅女，品味顏色配襯個客要求及個人喜好，佢成個單位整，今時今日算平」。

文：RY
資料及圖片來源：Threads