住公屋=社會底層？港人反駁「好多成功人士住公屋大」網民揭「低成本翻身」關鍵：出身從來唔係定斷

更新時間：15:14 2026-09-28 HKT
發佈時間：15:14 2026-09-28 HKT

公屋戶經常被外界貼上基層、社會底層等標籤，不過近日有港人在社交平台上發文，以「好多成功人士住公屋大」為由反駁，稱「住公屋唔一定係社會底層，這是常識吧。」帖文引起網民熱議，有網民指住公屋有助「低成本翻身」，表示「出身從來唔係定斷」；也有網民反駁，認為「今時唔同往日」，指「（公屋）班人無咗向上爬嘅鬥心」，即看下文了解詳情。

公屋戶等於社會底層？港人稱「成功人士都住公屋大」

基層出身、住公屋就要讓人看不起？近日，有網民在Threads上發文，認為「住公屋唔一定係社會底層」，指不少成功人士同樣是公屋出身，自小在屋邨長大，但最後也成功「闖出一片天」，「好多成功人士話自己住公屋大，其實唔少住公屋發大財。」樓主又指出，「即使係最多人唔要的邨，都唔一定無富人。」

網民認同：俾你一次「低成本翻身」機會

帖文引起網民熱議，有網民指公屋低廉的租金，讓住戶有一次「低成本翻身」機會，「住公屋係俾你一次低成本，令你有啲儲蓄，有翻身嘅機會，唔覺得有咩問題。」也有出身公屋的網民以自身經驗分享，「細個住公屋，身邊好多同學都係住私樓，但係完全無影響。有住私樓嘅家庭，買定多間等個仔出身轉名比（俾）佢供，亦有家道中落要賣樓排公屋，亦有住公屋大個儲錢自己買私樓，所以出身同住邊從來唔係一個定斷。」

但也有網民反駁，認為今非昔比，「上一代基層，的確可以靠知識改變命運，社會發展快，機會多。但近廿年住公屋，知識都未必改變到命運，大學畢業，搵份工萬幾兩萬，買唔到私樓，連居屋都買唔起，繼續痴父母住公屋」、「當年『廉租屋』住客嘅入息水平，生活水平以至文化水平同而家公屋嘅入息上限，資產上限難以直接比較」、「（公屋）班人越住越無向上爬嘅鬥心，反而因為自卑心而自欺欺人，不停吹奏話有好多隱世公屋富人。」

圖片及資料來源：Threads

文：Y