公屋調遷迷思？擠迫戶「陪跑6次」可獲同邨安置？網民2原因勸退：都係死心啦

更新時間：11:15 2026-09-26 HKT
發佈時間：11:15 2026-09-26 HKT

公屋單位環境狹窄，不少住戶為了爭取更寬敞的生活空間，紛紛寄望藉房屋署的調遷計劃「細屋換大屋」。近日，有公屋戶在社交平台發文求證一個關於公屋調遷的迷思：「見過有人話擠迫戶陪跑6次，就可能同邨調遷，請問有冇人試過？」帖文公開後，隨即引來不少網民討論，有曾申請的住戶坦言在現實制度下競爭非常激烈，而且亦需要滿足多個指定條件，勸退事主「死心啦」。

公屋擠迫戶「陪跑6次」即可獲同邨安置？

事主在社交平台發文，就流傳已久的公屋調遷「同邨安置」迷思向廣大網民請教。事主好奇詢問：「見過有人話擠迫戶陪跑6次，就可能同邨調遷，請問有冇人試過？」希望了解是否只要多次參加房署的調遷計劃而未能成功揀樓，當局或會行使酌情權或啟動內部機制，安排原邨大單位進行安置。

網民無奈勸退：你永遠唔會夠嗰啲人迫

帖文公開後，部分曾申請調遷的公屋租戶留言分享，無奈表示已經「試咗5次！放棄！」並指出競爭極度激烈：「你永遠唔會夠嗰啲人迫，團聚又團聚，輕輕都話一屋八九個人！你點夠佢擠迫？」。有網民則指出，如樓主家庭人數達8至9人，而且人均面積達5.8平方米左右，基本上不用奢望，「都係死心啦，如果你係九（人）想計多個都唔得」，勸事主不要抱有太大期望。

此外，有網民嘗試解釋所謂「陪跑6次」的迷思，背後亦需滿足多項條件，如前提是居住密度必須少於每人5.5 平方米（即法定「嚴格擠迫戶」標準），且必須連續6次均沒有合適單位可供揀選，「前提係人均少於5.5平方米，連續6次揀唔到，中間斷咗揀咗都唔計」、「攞咗鎖匙睇咗（樓）唔要都唔算一次」。同時，有人一針見血指出：「就算係（符合資格），都要同邨有大單位出先得！」，若原邨根本沒有適合的空置大單位釋出，即使條件符合亦未能安排原邨安置。

延伸閱讀：公屋調遷計劃2026｜即日起接受申請！符合2大條件即有機會「搬大啲」一文睇清申請教學／揀樓排序／做錯1事即被DQ！

事實上，房屋署現行設有清晰的調遷準則，陪每年均會推出「公屋租戶紓緩擠迫調遷計劃」及「改善居住空間調遷計劃」。計劃以居住密度為首要揀樓準則（即人均面積越少越優先揀樓），其次考慮家庭人數、現居年期等，其中以人均低於5.5平方米的住戶享有最高優先權。值得留意的是，若租戶在獲邀揀樓的計劃中，連續3次無故放棄揀選單位機會或獲編配後拒絕接受，其調遷申請資格會被凍結一年，建議勿盲目「拒絕揀樓」。

來源：公屋討論區 - 香港facebook群組@Facebook

文：LW