港人嘆90後人生全程「Hard Mode」？親歷學位貶值/高位上車/AI衝擊 網民：咁00後係煉獄模式
發佈時間：15:55 2026-09-16 HKT
在香港，「90後」一代介乎26至36歲，正值成家立室與事業拼搏的黃金期。最近，有港人在社交平台發文感嘆，「90後」由求學、結婚、職場到置業，每個階段都經歷不同時代發生的巨變，自嘲人生猶如開啟「Hard Mode（困難模式）」。帖文隨即引發極大共鳴與世代熱議，不少網民在表示同情之餘，也指出未來的年輕一代恐怕面臨更嚴峻的挑戰。
香港90後人生全程「Hard Mode」？自嘲1原因「死咗都冇得投胎」
早前，有網民在社交平台以「個天一定係玩緊我哋呢班90後」為題發文，無奈感嘆「90後」在不同人生階段所遭遇的「時代重擊」。在求學與事業方面，樓主坦言「90後」寒窗苦讀完成大學學位，畢業後數年卻發現「學位開始貶值」；好不容易在職場攀上管理層位置，準備大展拳腳，然而AI出現所帶來的衝擊，卻令不少打工仔隨時「飯碗不保」。
至於家庭與置業方面，樓主提到「90後」到適婚年齡時，偏偏遇上疫情「連酒都冇得擺」；辛苦儲到首期「上車」置業，樓價隨即見頂「即刻開始跌」，慘變「高位接火棒」。他又嘆道，由小時候怕被罵，「唔敢對大人問多兩句」，至長大後對自己的小朋友同樣要小心奕奕，「講錯一句，又係怕比人話」；小時候要父母簽名才能交功課，長大後卻要「自己扮個仔嘅字跡幫佢交功課」。樓主更幽默嘲諷，現在連「死咗之後可能都冇得投胎」，因為在這個物價高昂、前路茫茫的時代，「根本已經冇人想生仔」，不禁反問「90後嘅人生，係咪由頭到尾都係 Hard Mode？」
網民共鳴「有種睇唔清前路咁」 感嘆：下一代前路更茫茫
帖文公開後，隨即引來大批「90後」的打工仔與中產家庭共鳴。有職場打工仔無奈表示，「90後」在職場上作為「夾心層」要兼顧兩代人的情緒：「上司70後、80後要氹，下屬00後又要氹」。有網民則留言訴苦，坦言「而家就係覺得90後真係冇咩出路，想唔做又有排都未退休，想做但又好似一直比某d野困住，好似有種睇唔清前路咁」、「以前儲下錢買到樓，一接手就蟹，困足半世」。對此，有網民坦言對未來不抱太大希望，「唔敢計劃太多未來嘅事，做好自己算」。
然而，有不少網民卻抱持「逆向思維」，認為「90後」相比下一代其實已算幸運。有網民分析，指現時剛畢業的年輕人前路更茫茫：「黎緊下一代更加hard mode，工都未必搵到，仲要接受惡性通脹」、「睇住後面果班00後，工又難搵，學位更貶都好慘」。
有網民則懷念「90後」童年的黃金歲月，曾享受科技爆發與娛樂豐富的年代：「童年係好好嘅，細個睇卡通片，大少少就到online game爆紅，可以用MSN、ICQ通訊，大個左仲可以唱K、機鋪溝女，食正埋電話普及化」，認為這一代的生活體驗其實非常豐富，寄語大眾「呢個時勢我覺得搞得掂、有穩定收入已經好勁」，應知足常樂。
來源：Threads
同場加映：港男徵友激讚大西北女仔生活簡樸「冇咁浮誇」！屯元天街坊2點反駁：你係咪有咩誤會？
