港男狂讚深圳睇戲勝香港？批本地院線2規矩太嚴格網民「支持」：咁我留港睇就安心

更新時間：13:40 2026-08-26 HKT
發佈時間：13:40 2026-08-26 HKT

近年不少港人選擇週末北上深圳消費，除了飲食及購物，娛樂消遣模式也逐漸改變。最近，有港人在社交平台發文，列兩原因大讚深圳戲院的極佳觀影體驗，坦言「決定以後如果要睇戲都去深圳睇」更點名批評本地一間戲院限制帶水的規定。這番言論隨即引發網民的討論，更引來不少重視戲院禮儀的港人反擊，直言「支持」樓主的想法，「咁我留港睇就安心曬」。

港男激讚深圳睇戲體驗好！列2原因「決定以後要睇戲都去深圳睇」

有網民透露早前與女友北上深圳觀看近期話題電影《牛來》後，下定決心「以後如果要睇戲都去深圳睇」（《柔美的細胞小將》劇照）

有網民透露早前與女友北上深圳觀看近期話題電影《牛來》後，下定決心「以後如果要睇戲都去深圳睇」。事主強調並非「錢嘅問題」，而是因為「氣氛真係好好多」。他形容在深圳的影院內，觀眾可以「一齊笑下一齊討論劇情」，而且更可以購買非院線出售的飲品進場，「入去邊睇邊飲」。事主認為看電影應為集體娛樂，直言「要靜自己返屋企睇netflix啦」。與此同時，事主指部分香港院線入場要求嚴格，「有啲香港戲院攞住枝水都要你放門口」，更笑言「祝佢地快啲執笠」，反映其極度不滿的態度。

網民群起「支持」：咁我留港睇就安心

帖文曝光後，隨即引來大批網民討論，強調在公共場合遵守規定應屬「常識」，批評樓主缺乏基本公共禮儀，並留言諷刺：「其實都幾好嘅，將啲冇乜Manners嘅人送上深圳，非常好」、「啱呀你呢啲無文化無睇戲Manner嘅人唔好喺香港嘈住其他人」、「入戲院睇戲守返規矩係常識吧，洗唔洗人教你哋戲院禮儀」；有人則笑稱：「以後多啲你呢啲人返上去睇戲，我留港睇就安心曬」、「支持！終於可以靜靜地喺香港睇戲」、「呢個方式睇戲我就唔啱喇！我就係想係香港享受ALL ROUND UUUU而不被騷擾全神投入咁睇一套戲」，無法接受在影院內有人高談闊論，又認為可以為香港戲院篩選出優良觀眾，營造更佳的觀影環境。

來源：Threads

文：LW