葵涌廣場20年毛冷店店主婆婆因病停業 轉型網店清貨盼傳承心血 網民齊送祝福：祝早日康復！
發佈時間：11:00 2026-08-09 HKT
實體小店在香港經營不易，尤其由長者主持的老字號，常因健康問題面臨去留抉擇。位於葵涌廣場經營逾20年的「織藝軒」，店主鄧婆婆近年因健康狀況每況愈下，難以維持固定營業時間，偶爾才能開舖營業。日前婆婆助手在Threads發文，宣佈店舖將「暫停營業」，並轉型經營網店清存貨，盼傳承心血，一眾網民紛紛送上祝福並呼籲支持：「祝婆婆早日康復！」
葵涌廣場20年毛冷店店主婆婆因病停業 轉型網店清存貨盼傳承心血
早前報導：葵涌廣場逾20年毛冷店擬結業 專營日本/意大利毛線 婆婆店主1原因無奈清貨…
位於葵涌廣場的「織藝軒毛冷」已開業20年，專營日本及意大利等高質「來佬冷」，由擁有超過60年的鈎織經驗的鄧婆婆主理，多年來堅持「買完冷會教埋客人點做成品」，累積不少忠實顧客與良好口碑。不過近年因鄧婆婆身體狀況欠佳，早前已傳出擬結業消息。
日前有數名「小幫手」在社交平台Threads上發帖，代婆婆向街坊及顧客交代最新近況。小幫手表示，婆婆近日因為健康問題，毛冷店需要暫停營業‼，呼籲大家「唔好摸門釘喔！」。根據事主的描述，鄧婆婆近來身體狀況越來越差，開舖時間難以維持固定，確實「無辦法日日開到舖」，因此希望能盡快清貨，同時希望「啲冷鈎織成為新嘅成品」。
為了延續婆婆的心血，助手們決定接手開網店，「嚟緊我哋會開始網上賣冷，希望各位可以支持婆婆。」鄧婆婆亦希望回饋社會，表示「另外如果有社福機構/慈善團體想要毛冷可以dm（私訊）我哋，婆婆會捐冷俾你哋。」
網民送祝福：祝早日康復！
不少舊客及街坊紛紛留言，表達對婆婆健康的關心，紛紛祝福「希望婆婆早日康復」、「婆婆要多休息，早日康復」、「祝願婆婆快啲好返、出院之後唔好咁操勞，以後都身體健康」「有咩需要幫手出聲。」
亦有熟客有感而發，指鄧婆婆「賣來佬冷（來自歐洲/日本）」，讚賞「婆婆啲冷係好嘢嚟」，並分享過往購物體驗稱「之前係婆婆呢到買過，超nice細心講解」、「唔知買咩款要買幾多鈎都可以問」。亦有忠實顧客曬出成品回圖，表示「之前喺婆婆嗰度買咗呢款冷鈎咗個袋，希望回圖可以比婆婆見到」，並呼籲熱愛手作鈎織的人士及早支持其網上清貨。
文：M
延伸閱讀：黃大仙70年大排檔驚現「隱世歌神」！中氣主廚駐唱經典金曲 網民力推參加《中年好聲音》
