港人北上羅湖試做按摩「中伏」？狠批3點體驗極差網民：不嬲免費都係最貴

更新時間：18:05 2026-04-01 HKT
發佈時間：18:05 2026-04-01 HKT

北上消費近年成為不少香港人的日常選擇，但部分商戶的銷售手法卻令消費者大感不滿。近日，有港人在社交平台表示在羅湖口岸一間按摩店參加「30分鐘免費體驗」，並惠顧腳部按摩療程，打算「做一part腳（腳部按摩），佢再幫我按耐一點」，惟形容整體經驗「極差」，更列出三大問題，如店員不停推銷套票等，迅速引來網民討論，直言「不嬲免費都係最貴」，即睇詳情。

港人北上羅湖試做按摩「中伏」？狠批3點體驗：極差！

有港人日前在社交平台群組發文「警世」，表示早前到訪羅湖口岸的一間按摩店時，因看到店方有推出「免費體驗30分鐘」，因此決定參加體驗，同時惠顧店內的療程，「諗住做一part腳（腳部按摩），佢再幫我按耐一點。」然而，事主形容整個體驗過程「極差」，更列出3大問題，包括不斷被店員推銷套票，如同「上咗保險講座」，怒稱：「不吐不快！此舖港人免進！」

據事主分享，店員由一開始按摩就不停向他推銷套票，「係不停sale，不停講！完全無停過！」；當他明確表示不會購買套票時，店員隨即面斥不雅，「黑面走左去」，當時「按左（咗）30分鐘都無」，惟仍要向他收取腳部按摩的費用。事主續稱，全程「腳都無浸一浸，肩頸完（全）無掂過」，店員在推銷時「對手又停」，形容整個過程如「上保險講座」，令她極度反感。

網民：不嬲免費都係最貴

帖文引發網民熱烈討論，有人直言：「所有試做都係咁，你不知道嗎」、「不嬲免費都係最貴，而且仲喺口岸添，呢啲舖頭最危險」；有網民則指出這類免費體驗，大多都是商家用作招徠，順便向客人推銷的手段，「其實呢啲話免費套路只係比機會佢Sell Card，會藉或套餐，喺香港都唔會信，點解反而內地就會信？」有人提出下次可以經網購平店購買療程，「唔好街頭walk in試。美團、大眾點評係個好東西，看到怎麼，都明碼實價，要不要小費都寫清楚。」

有人感謝事主分享，「唔該晒！咁如果就算係美團見到佢，即使係畀正常價錢，我都會避開。呢啲舖sell開就唔會改。」，有人則表示：「這種舊式免費體驗嘅銷售方法，估唔到仲有人用，其實喺資訊發達嘅世界嚟講佢哋會得不償失。」

來源：深圳大灣區好去處開心share@Facebook

文：LW