馬鞍山居屋住戶霸佔走廊空間門外放10對鞋+2架單車鄰居網上公審大鬧自私網民建議這樣反擊！

更新時間：08:30 2024-05-09
發佈時間：08:30 2024-05-09

無論居住在公屋、居屋還是私人樓宇，都最怕遇到難相處或特別討厭的鄰居，避免引起爭端。日前，有馬鞍山街坊分享鄰居霸佔走廊空間，在門外放置10對鞋及2架單車，佔用公共範圍令街坊感到不滿，續在網上投訴當事人，大鬧鄰居自私！

馬鞍山居屋住戶霸佔走廊空間放置10對鞋及2架單車

近日，有馬鞍山居民在社交平台Facebook「馬鞍山之友 2.0」群組發文，大鬧鄰居霸佔走廊空間行為自私。事發地點位於馬鞍山錦泰苑某單位門外，從照片所見，該住戶將10對以上的鞋、拖鞋及兩架單車放置走廊位置，霸佔公共範圍。雖然未能了解事主放置這些物品在門外是屬暫時性，還是長期佔用走廊空間，但發帖人單看照片就直斥事主是「自私精」，對於有人霸佔走廊公共空間非常不滿。

網民建議這樣反擊！

事主大鬧街坊的帖文一出，引來不少網民熱議。有人認為如果事件只是一次半次，是可以接受，「咁多鞋，可能只係有朋友嚟 gathering，而且兩架單車唔似長擺。只係一次半次，我又覺得可以接受嘅。如果經常係咁... 真係要搵管理處做啲嘢。」；另一邊廂，就有網民提出應付霸佔走廊空間鄰居的方法，「放啲砂糖落去」、「拎個大垃圾袋，全部放哂落去，然後丟落垃圾桶，你唔嫌行多幾步，丟落樓下大垃房就更好！」、「叫清潔姐姐上嚟收晒啲鞋會點呢？」不過，亦有網民認為這些方式太「惡毒」，表示「你都幾毒喎」、「似有人嚟食飯，食完就走架啦。咁都睇唔過眼做你鄰居真慘」。