759阿信屋連執3店！將軍澳/天水圍/屯門相繼結業網民：肥老闆過身後差咗好多

更新時間：13:00 2024-04-26
發佈時間：13:00 2024-04-26

本地結業潮持續，相繼有戲院及上海南貨店執笠外，最近有網民不約而同在社交媒體群組分享，759阿信屋接連關閉在新界區分店的帖文，包括位於將軍澳東港城、天水圍嘉湖銀座及屯門巴黎倫敦紐約戲院購物中心的店鋪，招徠不少網民熱議，大歎今非昔比，「以前好多日本野，後來冇喇」「以前嘅759好有特色，後來就越賣越雜」，但也有部分認為「老闆都仙遊，捱到咁唔容易」。

759阿信屋新界區3店連續執笠

點擊睇759阿信屋將軍澳/天水圍/屯門分店結業︰

近日在facebook群組「全港店鋪消息（開張/執笠）關注組」上，網民不約而同分別分享759阿信屋位於將軍澳東港城、天水圍嘉湖銀座及屯門巴黎倫敦紐約戲院購物中心分店，結業帖文及圖片。就以上圖輯所見，天水圍嘉湖銀座店於4月1日才結業，而將軍澳東港城分店則於今年3月關門大吉。

網民：老闆都仙遊，捱到咁唔容易

不少網民睇完帖文後，都大歎今非昔比：「以前嘅759好有特色。後來就越賣越雜，啲貨堆到笠笠亂，貨源、產地更加係令人無咗買嘅欲望」、「以前好多日本野，細個嗰陣次次去都有新野，後來冇喇」及「佢啲嘢貴咗好多...同埋分店太多（太近）」，同時也勾起網民懷念已過身的759阿信屋創辦人林偉駿，「老細歸天後，每況愈下，大生上位取代」、「老闆都仙遊，捱到咁唔容易」，但有網民就不表認同：「老闆未仙遊之前好似好多年都因擴張過度無賺過錢，後來關了100間左右門市才好點，我印象中佢哋只係在疫症嗰2年正式賺錢！」

雖然759阿信屋關閉3家新界分店，但最近在其facebook專頁宣佈剛於葵盛東邨開設新店，還有即將開幕的元朗Yoho Mix分店，捧場客密切留意喇！

資料及圖片來源：全港店鋪消息（開張/執笠）關注組@facebook