食蜆習慣反映教養?港人震驚朋友1食法「嚇到眼都突」網民負評:睇得出人性禮貌
發佈時間:17:27 2026-11-19 HKT
與親朋好友聚餐食飯,餐桌上的微小舉動往往能反映一個人的禮儀與家教。近日,一名港人於網上社交平台發文,分享早前與一大班朋友聚餐食炒蜆時,驚見同枱友人竟做出一個奇特的食蜆舉動,直言與自己從小的家庭教育截然不同,令他當場大感震驚。帖文旋即引起廣大網民熱烈討論,大批網民一面倒負評樓主朋友的行為,直斥缺乏禮貌:「睇得出人性、禮貌同尊重」。
港人與友聚餐食炒蜆驚見1行為 直言與從小家教截然不同
港人聚餐或到小炒店用膳,惹味的炒蜆往往是餐桌上的熱門菜式。最近,一名港人於網上社交平台發文,表示自己從小到大與家人食炒蜆時,家人都會將蜆連同外殼一併夾走享用。然而,樓主日前與一班朋友食炒蜆時,卻驚見同枱所有人竟然都是「直接夾嚿肉」,然後將空殼原封不動留在公家碟上,令到樓主需於整碟蜆殼中「摷」才找到蜆肉。面對朋友們異於常人的進食習慣,樓主坦言當時「嚇到眼都突」,甚至一度懷疑自己的飲食習慣才是奇怪。
網民批評友人無家教:隻隻都空城計真係嬲
帖文引起網民熱烈討論,大多網友力撐樓主飲食習慣無問題,直指其朋友們的行為反映家教問題:「咁係你班friend無家教」、「你屋企有家教,千祈唔好以為一大班人係norm」、「通常我係做揀走啲殼嘅人,隻隻都空城計真係嬲」、「屋企人無教錯你」。有不少網民自身的家庭教育,表示從小長輩已教導必須連殼夾起,亦不能夾回碟內:「就算夾起發覺冇肉都唔可以放返落碟」、「好細個試過一次齋夾肉,比阿爸鬧」、「夾住嚿肉喺隻碟度揈甩個殼咁核突?」
有較為包容的網民笑指朋友間無需太計較,或大家下次可選擇用公家匙羹:「通常我會將所有嘅殼夾晒出嚟放喺我前面,搞到變到有座山」、「最方便嘅方法就係用公匙羹,一勺倒落自己個碗慢慢食」、「唯有親自攞隻公家匙羹慢慢𢳂出嚟,提示大家應該連殼夾走」。有自稱資深「食蜆美食家」的網民打趣表示,樓主的朋友都不懂食蜆的真正美味:「作為炒蜆資深食家,夾到有肉就食、啜埋汁,無肉就淨啜汁」、「真,啜汁先惹味,算埋個殼先係精粹,佢哋識唔識食」、「我連殼食,用牙咬走啲肉,咁樣除咗得體,其實更好味」。
文:R
資料及圖片來源:Threads
延伸閱讀:內地客遊港遇「茶餐廳文化」衝擊 力數三宗罪怒批:這叫服務嗎? 勸這類人不要去....

















