00後獨居港女長年外賣慘呻「身體出問題」求教晚餐如何吃得健康？網民傳授懶人自煮大法

更新時間：13:05 2026-11-07 HKT
發佈時間：13:05 2026-11-07 HKT

香港打工仔日常工作早出晚歸，尤其是獨居一族，晚飯大多數以外賣解決。近日，有00後港女在社交平台發文，指因長年吃外賣，身體健康已亮起響號，遂向廣大網民求教在每日晚上8至9時下班的情況下，「點樣食得健康啲？」帖文引來不少網民共鳴，有人更無私分享10分鐘自煮方法，也有人提供較健康的外賣推介。詳情即看下文！

00後港女長年食外賣健康亮紅燈求救夜收工「點樣食得健康啲？」

日前，有「00後」港女於Threads發文求教，好奇各位「自住大人」日常下班後如何解決晚餐。樓主表示，假設每天晚上8至9時下班，在未吃晚飯、且不轉工的情況下，如何可以「食得健康啲」。樓主透露，自中學年代已因家庭問題遷出獨居，多年來都是「食外賣」解決三餐，近年更導致身體出現問題，惟坦言「香港有營養嘅嘢普遍比垃圾食物貴」，加上下班時間未能配合街市關門時間，「收工已經好攰，唔想自己煮」，遂向網民詢問意見。

網民分享買餸備菜攻略傳授10分鐘自煮大法

帖文引來不少網民共鳴，「完全有同樣疑慮」、「好多人話星期六日買定，問題係即使買定放工返嚟要解凍」。有不少人則無私分享日常預備晚餐的方法，「買可以預約的電飯煲」、「星期六日買定一星期要食嘅嘢，洗好切好醃好，放工返去一煮就食得。」另外，有網民推介較健康的外賣，「鴻福堂有得訂飯」、「大家樂果啲亦有gym餐，亦都健康」。

有網民更分享自家食譜，表示只需10分鐘即可完成，「準備幾款蛋白質，例如醃好嘅雞扒、肉碎、魚柳，分裝放冰格。只需要配即食飯、急凍蔬菜或者烏冬，10-15分鐘就可以搞掂」、「即食飯 + 免治牛肉 + Muji curry，開爐預熱咗之後炒熟啲牛肉，同時將個即食飯擺入微波爐叮3分鐘大火，免治牛肉就差不多，然後就倒晒成包咖喱落去。啲咖喱熱埋搞掂，如果想有營養啲，那隻蛋落兜咖喱牛度，前後大約10分鐘。」

文：TF

資料及圖片來源：Threads