茶記服務大倒退？侍應堅持「水自助」拒絕斟水 港人嬲爆1招反擊：茶餐廳變成咁真係好悲哀
發佈時間：18:37 2026-11-02 HKT
今時今日的侍應生服務態度，還是否足夠？近年香港餐廳的服務態度屢受詬病，日前有網民在社交平台 Threads 上發文，大呻獨自到茶餐廳用膳時的極差體驗。事主當時要求侍應提供一杯清水，卻接連遭到兩名侍應以「水自助」為由拒絕。眼見店內多名員工「行行企企」卻連一杯水都不願遞上，事主終忍不住強硬反擊，引發全網熱議！
單人幫襯茶餐廳$81炆米 侍應「行行企企」堅拒斟水
事主在 Threads 發文透露，當日他獨自一人到茶餐廳食飯，點了一客價值$81的雪菜火鴨絲炆米。當他口渴向侍應要求「畀杯水嚟」時，沒想到兩名侍應竟先後冷淡地向他表示「水自助」，拒絕動手。
事主眼見當時並非繁忙時間，店內明明有七、八個侍應在「行行企企」，卻連舉手之勞拿杯清水也推三阻四。他一時氣憤，當場反擊，大聲向侍應質問：「咁你成間餐廳嘅侍應係咪有規矩唔會幫客拎／斟水？」面對事主高聲質疑，侍應才「死死地氣」承認並無此規矩，最終妥協送上清水。
港人嘆時代變：乜都話自助，咁請你返嚟做乜？
雖然最後爭取到清水，但事主事後仍感到極度無奈與悲哀，感嘆香港茶餐廳文化今非昔比：「由細到大入茶記一坐低，啲侍應自動自覺擺人頭水，到要開聲問先肯畀杯水，再到水自助…… 真係悲哀到一個點！」他更直言，如果繁忙時間忙不過來尚可理解，但在空閒時也百般推託，令人難以接受：「乜都話自助，咁兩皮嘢（兩萬蚊）請你返嚟做乜？」
該帖文一出，隨即在網上激起千層浪，網民意見兩極，引爆一場關於「香港餐飲服務」的大辯論。
網民針對價錢力撐事主：爭在唔使自己煮
不少深受港式餐飲服務折磨的網民紛紛力撐事主，指該茶餐廳一碟炆米收$81絕對不便宜，要求遞杯水並不過分，「無服務、黑面、自助落單、自助攞水、再收加一，美食之都」、「落單又叫人自助，今時今日係差在唔使自己煮」、「撐樓主！依家好多餐廳乜都講自助，餐又係要自己攞，水又係自己斟，不如我入去煮埋呀笨！」
亦有網民吐槽類似經驗，「有間冰室又係咁，自助區喺餐廳中間，又指我坐門口位，叫佢幫手拎就話自助。大佬，我一個人，手袋連 iPad 拎住去斟水？之後無第二次。」有網民更自嘲：「好似幾好喎！我拎住個杯入埋廚房洗杯，順便影下相，反正自助，得閒入去加熱水，睇下點煮餸都好。」
反對派力撐餐廳 「幫就人情，唔幫就道理」
不過，亦有另一陣營的網民認為事主是「惡客」，得理不饒人，指如果餐廳已寫明「自助斟水」，員工依循公司政策並無過錯，「正一Ｘ客！SOP（標準作業程序）無講要斟，又無收加一，寫到明自助斟水，今次斟畀你，下次又會鬧點解上次得、今次唔得。」、「人哋如果寫到明自助水吧，佢同你講自助，佢無錯喎。你遷怒於佢，而唔係遷怒於公司政策。」、「幫就人情，唔幫就道理。無收你加一服務費，已經好有良心啦。」
亦有網民笑言，既然茶餐廳服務已成常態，消費者只能無奈接受：「樓主送你一句……習慣便好了。」
資料來源：Threads
同場加映：港人叫涼瓜牛肉飯「走青」驚變「走涼瓜」？網民熱議走青定義：走芫茜蔥VS綠色嘢全走
