飛機餐出現神級甜品？HK Express新出斑蘭巴斯克芝士蛋糕網民大讚有驚喜：食落勁軟心！

更新時間：13:09 2026-08-11 HKT
發佈時間：13:09 2026-08-11 HKT

飛機餐出現神級甜品？有網民日前乘搭香港快運（HK Express）航班時，意外發現機上提供一款「斑蘭巴斯克蛋糕」，品嚐後大讚美味：「食落係勁軟心的」，隨即在網上引起廣泛關注與熱烈討論，有網民笑言：「就係因為呢個pandan cheesecake（斑蘭芝士蛋糕）我要搭HK Express！」

飛機餐出現神級甜品？HK Express新出斑蘭巴斯克芝士蛋糕

事緣，有網民在社交平台 Threads 上分享個人乘搭香港快運的經歷，指自己在機上驚喜發現機上提供一款「斑蘭巴斯克蛋糕」。事主形容蛋糕未開蓋已聞到濃厚香氣，「斑蘭味勁香」，在品嚐後更大讚美味：「食落係勁軟心的」，同行四人一致給予好評：「好食喎！」

網民：為咗食呢個蛋糕我會搭UO

帖文發布後迅速引起討論，不少網民被吸引並表示已即時加購下一程航班的蛋糕：「你搞到我剛剛即刻上去訂返件」、「睇到你個post即刻幫自己下程UO機order。」亦有網民笑言會為了這款蛋糕選擇乘搭香港快運：「就係因為呢個pandan cheesecake我要搭HK Express！」、「估唔到UO幾好喎，唔一定係集團式食品，仲會同小店合作。支持支持！」

而負責製作的幕後主廚更於留言區現身，感謝事主及其朋友的喜愛：「多謝你鍾意食我哋嘅斑斕（蘭）巴斯克蛋糕！」事主亦回應：「好食呀真係！完全唔似喺飛機上面食到的甜品。」