港女路德圍買豆腐花做1事被喝罵？斥店方態度差獲回覆「係咁差㗎喇」街坊不解：唔明點解你排呢間

港女路德圍買豆腐花做1事被喝罵？斥店方態度差獲回覆「係咁差㗎喇」街坊：點解你排呢間

更新時間：15:45 2025-07-28 HKT
發佈時間：15:45 2025-07-28 HKT

香港飲食業的服務態度近年備受討論，近日有港人稱到荃灣路德圍購買豆腐花，正當她想付款時竟因1事被店員喝罵，當場指出店員態度惡劣，而對方竟回覆一句「我態度係咁差架喇」，令她深感不滿，直言「我唔配食你舖嘅豆腐花」，更揚言不會再幫襯。事主的遭遇引起網民熱議，有街坊則笑言：「唔明點解你排呢間」。

港女路德圍買豆腐花做1事被喝罵？斥店方態度差獲回覆「係咁差㗎喇」

香港飲食業的服務態度成為近年老生常談的話題，不時有市民或遊客稱在食店遇到店員態度欠佳的經歷。近日，有港人到荃灣路德圍買豆腐花，同一條街上有兩間豆腐花店毗鄰經營，而當時女事主選擇光顧左邊的店舖。正當她把錢放在枱面準備付款時，店員即時喝罵表示枱面上有糖水，「喝我拎返錢俾佢」。女事主解釋自己根本不知道枱面不乾淨，「問佢態度駛唔駛咁差」，對方竟然回覆她一句「我應度係咁差㗎喇」。女事主深感「我唔配食你舖嘅豆腐花」，揚言不會再幫襯這間豆腐花，下次會選擇光顧另一間豆腐花店。

荃灣街坊不解：點解你排呢間

事主的遭遇引起網民熱議，有荃灣街坊表示，「其實荃灣人一定買XX，唔明點解你要排左邊」。有網民提到兩間豆腐花店之間曾引起價格戰，「記得嗰陣鬥平鬥到一蚊碗」、「不嬲都係幫襯XX，唔明點解隔離成日排長龍，望望價錢，原來平1蚊」。有網民則認為「錢銀交收，手過手係禮貌嘅表現，人哋找錢畀你，就咁撻落檯面等你自己執，你都未必like」。同時，有曾幫襯涉事豆腐花店的網民分享經歷，指買完豆腐花後乘搭的士，車程在15分鐘內，惟回家後打開外賣碗時「飄咗陣酸餿味，真心嬲咗」、「兩年前嗌個黑芝麻豆腐花，味道奇奇怪怪，嗰次之後決定以後唔會再幫襯左邊嗰間」。

文:RY

資料及圖片來源:Threads