港女打邊爐險燒着裙!連鎖火鍋店「聞到燶味仲有藍火閃燃」 餐廳處理方法遭怒轟

更新時間:08:30 2025-02-04 HKT
發佈時間:08:30 2025-02-04 HKT

打邊爐差點出意外?近日一位港女在社交平台「Threads」上分享,在某連鎖火鍋店遇上驚險經歷。由於餐廳電掣位置設計不當,導致電線燒穿險些引發火災,令她及同行者驚魂未定。她更踢爆火鍋店安全措施欠奉、事後處理不當,引發網民激烈討論。

佐敦火鍋店電掣位設計極危險? 港女:換位後仲衰!

點擊睇連鎖火鍋店意外:

事主於社交平台上發文,近日她光顧一間以抵食聞名的連鎖放題餐廳,當火鍋吃到一半時,電線突冒出藍火並傳出燶味,「差少少燒著條裙」。當時情況危急,事主形容「真係走遲 1 秒就會燒到」,幸得旁邊食客提醒才成功走避,「成張枱嘅人個心都即刻跳得好犀利」。

事主事後分析,認為意外與電掣設計位置有關,「電掣擺得太差,勁容易被撞到,目測仲有幾枱都係咁!」她質疑,若加裝安全閘或調整位置,或可避免意外。更令她不滿的是,店方事後僅草草安排換位了事,「調位後冷氣超大又有陣味」,反映問題時餐廳的回應更令她不滿,「淨係話好抵食,唔理我哋食得安唔安全!」

網民熱議:環境擠迫如「挨住後面客背脊」

帖文引來大批網民留言,有人炮轟該店環境惡劣:「一出 lift (升降機)就已經見到三四張枱嘅客坐喺升降機出邊打緊邊爐,零間隔可言」、「食到攰攰地你仲可以考慮挨係後邊個客個背脊度」。亦有食客抱怨食物質素:「個海鮮盤其實完全唔好食」,「永遠唔會再食」。

網民籲「報消防」 事主:最想提醒安全意識

針對電掣安全,網民則意見兩極。有人質疑事主描述誇張:「香港有接地線,燒著你條裙之前,必定已經斷電」。更有人嘲諷:「人哋都裝咗喺梳化最側面,咁大張枱係要坐近個電掣位」、「係咪 R 唔到賠償就負皮人地」。但亦有曾光顧同一分店的網民指,自己亦曾踢到電掣,直言「好好彩冇燒着,電掣燒着咗真係好恐怖」。

事主亦有回應網民質疑,她再三強調,分享經歷不為索償,只盼提醒公眾注意安全,「座位咁迫」、「發生咩事想走都難!」有網民更建議應直接聯絡消防處檢查。

 

圖片及資料來源:Threads

 

同場加映:荃灣海鮮火鍋放題被轟「趕收工」! 港女9時入座不足2小時被催「食快啲」 列4宗罪表明「唔會再去」