雀巢懷舊3色雪糕驚現超市！曾停產多年重推市場朱古力/雲呢拿/士多啤梨味經典配搭網民感動：回憶的味道

雀巢三色雪糕再現超市！曾停產多年朱古力/雲呢拿/士多啤梨味經典配搭網民感動：回憶的味道

更新時間：12:15 2024-08-30 HKT
發佈時間：12:15 2024-08-30 HKT

雀巢三色雪糕重出江湖！雖然已經立秋，不過天氣仍然炎熱，最適合食雪糕消暑。隨時代發展，雪糕口味千變萬化，不過相信一眾80、90後對雀巢家庭裝三色雪糕應該不會陌生！不過這款三色雪糕已停產多年，近日竟然有網民分享，在超市發現三色雪糕竟然重新推出市場，大嘆：「這是回憶的味道！」

停產雀巢三色雪糕重現超市！網民感嘆：童年回憶的味道

點擊睇雀巢三色雪糕重現超市：

小時候常吃到的經典零食，例如羅拔臣啫喱仔、波子汽水糖（亦稱龍珠糖）、四方果啫喱等，已經相繼停產，雀巢三色雪糕亦於數年前絕跡市場。不過，有網民近日於網上分享原來這款三色雪糕已經靜悄悄再度上市。相隔多年再度發售的三色雪糕依舊用上極有辨識度的藍色外盒，加上經典的朱古力、雲呢拿、士多啤梨口味，難怪讓無數網友高呼「童年回憶返哂嚟！」，更分享配上1物最有懷舊感，詳情可點擊上文圖輯。

從網民分享消息可見，三色雪糕目前暫時於惠康、百佳等超市發售，售價由$39.9起。有網友即時前往入手，並大嘆「比回憶中細盒」，引來網民感嘆回應，「無細盒到，你長大了而己」。其實以前同時供應1升及2升份量，惟當時2升家庭裝較及歡迎，份量亦相對大盒，目時買到的是1升份量，因此推斷感覺比以往細盒。

網民齊讚好：食返童年嘅味道！

大部份網民對此甚為期待，更揚言要「掃兩盒」。有網民小時候要逐少吃，以免太快完食，現在長大後便笑言：「以前要慳住食，依家可以大大啖一次過食曬」。有網民分享以前總是不喜歡吃士多啤梨味，「朱古力最快食哂」、「粉紅色始終無人食/比老豆食」。有網民認為以$40只買到1L份量或許有好的選擇，不過其他網民認為為了情懷沒所謂，「食回憶既$140都會買」、「起碼有得食返童年既味道先」、「回憶無價…」、「懷念，成盒就咁食」。

資料及圖片來源：90年代回憶 (新版)@Facebook