姚兵自揭生活艱難零家用 曾靠老婆貼錢追夢感謝不離不棄 因一舉動得罪主持痛失機會

更新時間:20:30 2026-11-21 HKT
發佈時間:20:30 2026-11-21 HKT

TVB節目《中年好聲音4》的「白羊君」姚兵,近日接受YouTube頻道《橙色大笨象 Orange Elephant》訪問,大談追逐演藝夢的艱辛,姚兵更提到太太從拍拖到結婚,多年來不離不棄支持他追夢,甚至花儲蓄及補貼姚兵,成為其經濟支柱。

姚兵獲太太支持追夢

姚兵在訪問中,提到自己已婚:「呢幾年我係好多謝、好多謝我太太。其實我想講俾所有男人聽嘅一件事,呢個就係,做一個乖男人呢,其實千祈唔好太多出面嘅迎合(應酬)呢樣嘢。」姚兵自爆有一段時間,由於生活艱難,不但沒有給予家用,更要太太作為經濟支柱:「其實呢幾年係搵唔到咩錢㗎啦。老婆係一路幫我儲、支持呢啲錢係儲返落嚟。其實呢幾年我係,我(俾)屋企一毫子都無拎返去。佢都係每個月,俾錢我使,呢個就係最好嘅支持啦!」姚兵稱自己好實際,不會只用言語感謝太太:「呢啲嘢全部都係好虛華(浮誇)嘅呢啲嘢嚟㗎。但係依家呢個係最實際嘅,同埋依家都係一路支持緊我。」

相關閱讀:中年好聲音4丨蒙面歌手全揭曉 「貓女郎」劉佩玥揮別猙獰表情獻唱 「白羊君」姚兵爆笑認瀟灑

姚兵學唱歌被學校走數

姚兵早在17、18歲時已涉足社會,卻因從小熱愛唱歌,想提升歌藝而受騙:「係我兩年嘅人工就全部俾晒呢個學校,咁跟住落嚟呢個學校就突然之間搬咗,其實係呃人嘅。嗰時我哋通信都唔係好、好發達啦,全部都係睇報紙㗎嘛。打小廣告,就係。我就睇咗呢個廣告:『啊,北京呢啲學校』﹛嗰時已經係知自己識唱歌㗎啦。我就是想搵一個地方提升、提升下一自己嘅呢啲唱歌水平。嗰個打擊係好大嘅,20歲都未到,好似人人、人生就……就謝咗,成個人就謝咗啦。」

姚兵曾年少輕狂得罪人

姚兵後來到寧波電視台參加歌唱比賽,在當地漸漸建立起名氣,卻因年少輕狂,不懂收斂情緒,而得罪節目主持。當時有位主持在台下拍打姚兵的頭,讚賞他唱得不錯。姚兵卻面露不悅:「我啱啱就做好頭、頭髮嘛,我有髮型㗎嘛,佢咁樣做,就整到我好烏糟邋遢。咁我就話:『我說,你幹嘛呀?你這個手腳能不能稍微這個乾淨一點?』」卻因此得罪對方,而失去亮相機會。經一事長一智,姚兵學懂收歛,不能輕易表露負面情緒,否則會因一個失控的舉動,摧毀之前累積的心血。

相關閱讀:中年好聲音4|「白羊君」攞5燈熱爆舞台  兩特點洩真身為TVB老臣子?入行前曾做巴士司機