周潤發帶隊挑戰《毅行者》限定版20K 零疲態興奮率黃浩然蔡一智衝線 三哥戚美珍親到終點迎接

更新時間:16:47 2026-11-21 HKT
發佈時間:16:47 2026-11-21 HKT

周潤發(發哥)率領黃浩然、蔡一智一行近廿人今日(21日)出戰「樂施毅行者2026」新增的「樂施會50周年限定版」20公里賽事,由早上7時45分在大帽山扶輪公園停車場出發,並於下午2時25分到達終點屯門哈羅香港國際學校。苗僑偉(三哥)和太太戚美珍更專誠到終點迎接他們。

周潤發笑說兩個髀甩晒骹

周潤發、蔡一智和黃浩然一起接受訪問,對於今次跑20公里的體驗,周潤發搞笑謂:「你睇吓智哥(蔡一智)面青青就知佢冇跑,我哋個個都紅卜卜!」談到原定預期他在11時半到終點,問到是否覺得跑得比預期慢?周潤發笑言由大帽山有7、8k直落去會頂不順。問到是否腳震震,周潤發笑說:「唔係腳震震,係甩脾呀!兩個髀甩晒骹!」

相關閱讀:周潤發罕有駕車被「捕獲」 返九龍塘逾億元獨立屋 傳擁10位數身家享受「貼地」生活

周潤發曾自爆跑山「怕蛇又怕鬼」

蔡一智表示跑得比較慢,因為他們去了千島湖打卡。談到覺得那位跑得最叻,周潤發指黃浩然帶傷上陣,對方上次跑步扭傷腳,所以慢慢陪住一齊跑。當笑指黃浩然曾幽默指今次是「50周年特別版暨周潤發先生一齊玩版」,周潤發即謂:「玩一次好啦!以後都唔好再嚟,命都唔長。」談到周潤發曾自爆跑山「怕蛇又怕鬼」,他搞笑指蔡一智最「蛇」,因為在山上拉筋,又承認好多跑友邀請他合照,但覺得這些一定要做。

周潤發參與跑20公里全程靠吹水

談到今次參與跑20公里,問到可有策略?周潤發笑說:「邊有策略?全程喺度吹水,又有飯團、朱古力等。」在旁的蔡一智即謂:「爭少少,邊爐都拎埋出嚟!」完成跑20公里可有慶祝活動?三人齊聲指苗僑偉夫婦迎接他們,周潤發笑言好大鼓勵,黃浩然則謂他們指接機就試過,接跑就第一次。周潤發又搞笑指《使徒行者》重案組卓Sir(三哥)在上面查緊案,更爆三哥已「落叠」,下次一齊跑2027「渣馬」。問到跑全馬定半馬,三人即齊聲謂:「10K公里!你想佢死啫!」周潤發又搞笑指三哥是「北譚涌教頭」,更為對方改名「苗英偉」,又讚三哥現在變得更英俊,自己則退隱了交捧給對方。再問鄭則仕(Kent 哥)會否參與一齊跑「渣馬」,周潤發說:「佢有得唔跑呀!因為佢做咗「渣馬」吉祥物,肥貓嘛!我依家幫佢改咗名叫「鄭杞人」,佢太杞人憂天,又驚落雨又驚打風。」

相關閱讀:黃浩然明日孖周潤發蔡一智行20km 澄清婚後「絕情」拒留女星電話 : 現在當然有 吳業坤伍富橋組隊挑戰100km

周潤發大讚BIGBANG主場館演唱會好睇

另外,提到G-Dragon(GD)在 BIGBANG香港啟德主場館尾場演唱會公開感謝周潤發到場捧場,並向這位偶像致敬。周潤發大讚個騷好睇,在後台都有合照,又指
BIGBANG經理人要用大會機影相,所以想用自己機也不能。當笑問可有使出招牌Selfie,周潤發笑說:「有,打畀周太(發嫂),佢有相,其實佢哋係叫我陪周太去!」問到周太鍾意BIGBANG哪一位成員?他說:「三個都鍾意,佢係唔鍾意我啫!」談到發哥睇騷時可有像梁朝偉和劉嘉玲睇The Weeknd演唱會邊睇邊跳舞?周潤發笑說:「我『Un』晒啦!」隨即唱「咪當我老襯…!」周潤發更透露繼去年頒獎給G-Dragon後,一直未有見過對方,其後周潤發謂肚餓要去食煲蠟鴨飯,所以要結束訪問。