YS韓國偶像學院小種子技驚四座 張與辰大讚勁過大人 魔音女團聯乘YS出道預備組成員跳唱新歌 全體表現令人眼前一亮
發佈時間:09:15 2026-11-21 HKT
《萬千星輝賀台慶 》引起網上熱話,最吸睛及花生度高,是多位《中年好聲音》系列的歌手上陣的《中年勁歌Cantopop》跳唱環節,當中7位來自 YS韓國偶像學院(YS)的小種子學員,盡展超爽爆型格舞技,成為網民熱話,網民力讚「勁到癲」,連張與辰也大讚:「大人都未必跳得比佢哋好!」
網民大讚可企C位
肥媽、張與辰、譚輝智、鄭家聲、黃博、尹景順 等實力派歌手演繹《狂野之城》、《愛情陷阱》及《Chotto等等》等金曲,7位YS萌爆的小種子一口氣連跳多首快歌,爆發力驚人,舞技強勁,即令全場歡呼聲不絕於耳!無綫在YouTube官方頻道上載此環節片段後不足10小時,觀看次數已火速突破4萬,網民好評如潮,激讚歌手唱功了得令耳朵懷孕外,更狂讚這班YS小朋友:「啲細路勁到癲!」、「應該畀C 位小朋友!」、「大癲!啲小朋友仲跳到勁過大人!」、「和小朋友們一起唱《狂野之城》+《BAD》,非常精彩,可惜太短」、「全晚最正呢part!唱功勁!夠扎實!最surprise係尾段啲小朋友跳舞好犀利,好好睇!」
張與辰自認舞藝不如
台上盡展魅力的YS小種子,獲張與辰力讚:「我覺得呢班小朋友嘅水準已超越好多人,好多大人都未必跳得比佢哋好,睇得出佢哋好畀心機,好努力認真,佢哋係好熱愛舞台。我嚟唔切搵呢班小朋友交流,因為佢哋太受歡迎,個個都搵佢哋傾偈!如果我同佢哋比較跳舞,當然係小朋友好過我,因為佢哋真係好專業好有passion!」
倪嘉雯佩服尖子表現
另外,魔音女團MYNT聯乘YS出道預備組成員Lenna T. 、Mia、Soe及Heily Hu跳唱第三首全新跳唱單曲 《Tic Toc》,並由曾與多個韓流天團合作的YS韓國名師Geon編舞及Lenna T.指導,網民盛讚全體表現令人眼前一亮,成員倪嘉雯說十分佩服YS尖子的表現,「佢哋好犀利,因為佢哋係放學後趕過嚟綵排,學呢隻舞嘅時間雖然唔長,但好快掌握到同上手,編舞又好!」

















