陳志雲評周啟生「廢青論」舊片翻Hit 坦言:佢只係刷存在感 網民感動為林家謙平反
發佈時間:13:00 2026-11-21 HKT
近日網上瘋傳一段陳志雲昔日在直播中,談論音樂人周啟生點名痛斥林家謙為「廢青」的舊片。片中陳志雲以其一貫幽默又精闢的言辭,逐點反擊周啟生的言論,抽水功力深厚,引來大批網民瘋狂點讚。陳志雲更在節目中大爆金句,直指周啟生「可能都係『廢』,不過唔係『廢青』」,瞬間掀起網民熱烈討論。
陳志雲分析周啟生先至係廢
影片中,陳志雲首先列出「廢青」的六大定義,包括不積極工作、過度依賴家人、缺乏目標、沉迷娛樂等,並逐一對照林家謙。他力撐林家謙自2018年入行以來便極有目標,亦曾在網絡公司踏實工作。隨後陳志雲話鋒一轉,笑指:「如果用呢啲條件,我覺得周啟生符合呢啲條件多過林家謙!」他分析周啟生對社會及網絡充滿不滿,卻只在網上發洩情緒,完美符合其中一條定義,並幽默嘲諷道:「以佢依家(年紀)嚟講,可能佢唔係『青』啦,即係繼續可能係『廢』,不過就唔係『廢青』!」
相關閱讀:周啟生痛批許志安:艇仔粥難變佛跳牆 狂踩走音缺爵士靈魂 網民睇唔過眼斥太刻薄
陳志雲指歌迷應冷處理周啟生
林家謙粉絲曾一度與周啟生展開激烈罵戰,陳志雲在片中亦向粉絲喊話:「林家謙啲fans,你哋真係傻豬豬呀!你哋咁大嘅回響呢,其實就正中下懷。」他分析指,周啟生批評人往往是想藉此尋求「存在感」,令自己顯得重要,因此向粉絲獻計:「其實你哋一粒聲都唔好出,直頭唔好理佢,佢會好炆㗎我諗!」勸勉歌迷用「冷處理」來反擊才是上策。
周啟生曾批林家謙「廢青」引發風波
回顧整件事的起因,源於周啟生於2024年在社交平台點名狠批叱咤樂壇男歌手金獎得主林家謙為「廢青」,其後更與網民及粉絲爆發激烈罵戰。周啟生事後態度依然強硬,發文解釋每個人都有發表感受的權利,直言:「今次事件起因是來自一位朋友,佢話唔鍾意林家謙,我亦都加一句呢條廢青我都唔係好鍾意!」他又自傲地表示自己一向叫自己做「80年代70年代嘅廢青代表」,更霸氣向反擊的網民開火:「想搞事,唔該躝X遠啲!我鍾意講乜,我就講!」事實上這位「樂壇判官」近年並非首次開火得罪後輩及同行,他過去亦曾公開批評歌神陳奕迅,直指對方「聲音麻麻」,言論同樣火藥味極濃。
相關閱讀:周啟生貼天后王菲顯老零濾鏡照問「邊個」 網民炮轟冇品:周生自己有冇照鏡?

















