鍾偉強揭張國榮成名前辛酸曾激動落淚 心臟大動脈嚴重堵塞簽生死狀:求個天畀我唱落去

更新時間:10:00 2026-11-21 HKT
發佈時間:10:00 2026-11-21 HKT

前麗的演員、有「張國榮師兄」之稱的73歲鍾偉強(Simon)曾於1977年在《第二屆亞洲歌唱比賽(香港區決賽)》力壓張國榮贏得冠軍後,一度在娛樂圈發展,但奈何發展不如預期,結果在80年代初離開娛樂圈轉投保險行業。不過鍾偉強在2013年經歷過一場大病後,決定重返娛樂圈,其後出戰《中國好聲音2》,人氣反彈兼迎來事業高峰,曾帶挈他接不少電影及商演Job。

 

近年鮮有在香港露面的鍾偉強,日前接受YouTube頻道《橙色大笨象》的訪問,在訪問上鍾偉強憶述當年在歌唱比賽中勝過張國榮的經歷,細說兩人成名前一起追夢的歲月,以及他記憶中張國榮初出道時的夢想。不過在60歲時經歷一場大病,他坦言:「我冇宗教信仰㗎,但係我真係求個天,我真心希個天畀一條路我行,我好鍾意音樂,我後生時我真係唱唔夠,希望你能夠再畀一個健康嘅身體我,我可以再享受返我的音樂旅程。」

相關閱讀:70歲張國榮師兄鍾偉強狀態嚇人!死過翻生決復出樂壇 撞樣《中1》吳大強

鍾偉強在1977年麗的電視《亞洲歌唱比賽》,憑高難度英文歌〈These Eyes〉力壓張國榮(Leslie)奪冠。外界常將兩人成就作比較,甚至有激進聽眾致電電台指責他「借哥哥之名招搖撞騙」。對此鍾偉強坦言問心無愧,直言三十多年來從未與哥哥合照或送花籃博宣傳,彼此自尊自重。他憶述當年兩人尚未走紅時,經常於大排檔促膝長談,鍾偉強稱張國榮曾因前途未卜在自己面前落下男兒淚,兩人的患難兄弟情純粹而真摯:「我哋之前唔識嘅咁,但係呢一傾咗之後,其實大家都有個同一個心態,而且都幾自負㗎,嗰陣我哋好friendly嘅,大家好好傾嘅咁 ,同埋我哋個代表香港出戰嗰個決賽嘅時候呢 ,大家同一陣線,咪不停幫大家。嗰時大家都有啲真係可以話盡訴心中情去講一些嘢。佢有拍過一、兩套電影拍得好唔開心,Y講到真係有眼淚出嗰種,我相信每一個藝人,一定碰到嘅,呢啲無可避免嘅。」

談及當年離開麗的電視的風波,一心想當純粹歌手的鍾偉強因不滿被安排拍劇而決意解約轉投TVB。一向溫文儒雅的訓練班導師鍾景輝(King Sir)罕有大動肝火,激動拍枱痛斥:「我哋又唔係唔畀機會你,點解你要走?」鍾偉強說:「好Surprise,佢嗰次真係好嬲,喺訓練班咁耐,我未見過 King Sir 發脾氣,我話你畀嘅嘢唔係我要嘅嘢,我真係我希望我可以去另外一個電視台去闖一闖,我希望你畀呢個機會我,結果佢都畀我走,即係我提咗解約。」鍾偉強在2003年遇上人生最大劫難,確診三條心臟大動脈嚴重堵塞,但他因懼怕手術而拖延兩年,直至2005年氣喘昏厥,他才硬著頭皮簽下「生死狀」接受心臟搭橋手術。他憶述術前全身消毒的五分鐘裡,自己內心向天禱告「我好鍾意音樂,我後生時我真係唱唔夠,我希望你能夠再畀一個健康嘅身體我,我可以再享受返我的音樂旅程。」最終奇蹟戰勝死神,不過需要兩年時間去康復。

相關閱讀:69歲鍾偉強激罕露面 撼贏張國榮後轉行賣保險 大難不死再戰《中國好聲音》爆紅

鍾偉強繼續堅持音樂夢

這份對舞台的執著,促使他在60歲高齡勇闖《中國好聲音》第二季爆紅,更於內地巡演逾百場,經歷過成名、淡出、轉行與患病,鍾偉強說:「我經歷過咁多重重嘅起跌,其實最主要仲係音樂。我係嗰種好忠於我自己的嘢,你諗下去到60歲仲去一個好陌生嘅地方參加歌唱比賽,其實好大壓力嘅,重要講緊幾億人睇你,嗰種無形壓力大到我事後諗返都覺得:『哇!我都算頂得順』,我有好多好多 Question mark,但只不過話:『我鍾意音樂,冇辦法啦。』我冇諗我要贏,只不過我係享受呢個舞台,好開心我係不枉我一生,自己喺度繼續去堅持我嘅音樂夢。」