方力申宣布太太再度懷孕 兩年抱兩湊夠個「好」字 打破終極外父相激動狂呼:真係仔呀
發佈時間:18:57 2026-11-20 HKT
方力申(Alex)在2025年同時作為人夫兼爸爸,在情人節宣布與拍拖兩年多的葉萱(Maple)結婚後,父親節再宣布「我將要做爸爸了」。今日(20日)再傳出好消息,方力申在IG貼上短片宣布太太葉萱再度懷孕,大女Isla做家姐,在片中,方力申與太太葉萱和女兒 Isla一同開箱產檢結果。
方力申透過套娃逐層揭曉第二胎性別
在片中透過俄羅斯套娃(套娃玩具)逐層揭曉第二胎的性別,方力申笑言:「好多朋友都話我係極度外父相,所以我估係女。」結果大女Isla逐層拆開,起初幾層都是粉紅色,令氣氛一度非常緊張。當最後一粒藍色微型套娃呈現在眼前時,方力申興奮得拍手狂呼:「仔呀!真係仔呀!我唔係岳父相呀!」大女Isla出世事隔不足一年便再度造人成功,實現「兩年抱兩」。
相關閱讀:方力申自豪女兒Isla將來係Party Girl 坦言:呢啲一定唔係遺傳我 網民讚節奏感強具音樂天分
方力申仔細老婆嫩兼有爸媽要照顧
方力申亦有在社交平台撰文留言:「雖然爸爸病咗,聽日未能去澳門等我上水,但好感恩,日前喺醫院同我、媽媽同細佬,仲有Isla一齊用套娃嚟揭曉 Maple 下一胎嘅性別。嗰一刻,對我哋一家嚟講特別珍貴,亦對我聽日(21日)嘅35公里港澳慈善游加多重義意,為下一代而游。懷孕期間有好多未知之數,不過回到Isla 出生的醫院,見到熟悉的醫護人員,令我地都好安心。今次醫生為 Maple 安排咗幾個無創產前檢測,除咗考慮了Maple本身的身體情況之外,都有考慮到男伴超過了40歲的因素,所以今次安排的檢查可以講係好全面的!」方力申還說:「講返今次用套娃去揭曉,我要多謝醫生幫忙,我哋一家先有今次咁緊張刺激嘅體驗,美滿嘅回憶。仔細老婆嫩,仲有爸爸媽媽要照顧,放心,聽日我會量力而為,好好咁完成挑戰,再去唱歌仔。」
方力申爸爸在三周前突然缺血性中風
方力申日前透露爸爸方毓仁在三周前突然缺血性中風,嚴重時右半邊身郁不到,無法靠自己移動身體:「當時佢清醒入院,仲問我哋『我中風咩』,佢前一晚都覺得攰、頭暈同沒有胃口。爸爸之前換咗藥,醫生說會比較攰,所以唔知道係咪藥物引起,抑或係中風先兆。」方力申又指因沒法確認病發時間,所以沒法施用薄血針,現在只能靜養,接受物理治療、言語治療、接受針灸和見營養師等,康復比預期快,進展亦良好。方力申又笑稱:「爸爸見到孫女,講嘢由氣聲變到好有中氣:「我哋頻撲少少,媽媽和太太都有去探爸爸,加上Isla好錫爺爺,大家一齊住,她一見到爺爺便爬上去頭貼頭。」
相關閱讀:方力申晒B女萌爆影片 靠兩字成功點中囡囡笑穴 Isla腰果眼父女餅印樣成焦點

















